Darling! [norenmin]

56 - Hold me down

love me or hate me
both are in my favour

ရေချိုးခန်းမှ တဘက်တစ်ထည်ပတ်လျက် ထွက်လာသောဂျဲနိုသည် သူ့အိပ်ခန်းထဲတွင် မှုန်မှုန်သုန်သုန် ထိုင်နေသော နာဂျယ်မင်ကို မြင်တွေ့လိုက်ရသည်။

ဂျယ်မင်က မဲမှောင်နေသော မျက်နှာထားနဲ့ လှည့်ကြည့်လာသည်။ ဂျဲနိုကိုမြင်သောအခါ မျက်ခုံးတန်းများ အနည်းငယ်ပြေလျော့သွားပြီး နှုတ်ခမ်းသပ်လိုက်သည်။ ရုတ်ရက်ကြီး ဒေါသထွက်နေရာမှ အာရုံပြောင်းသွားခြင်းကို မြင်တွေ့နိုင်သည်။

ဂျဲနိုရဲ့ခန္ဓာကိုယ်က အင်္ကျီဝတ်ထားလျှင် ပိန်ပိန်ပါးပါးဟုထင်ရပြီး ချွတ်ချလိုက်သောအခါ ပါးစပ်အဟောင်းသား ဖြစ်သွားရလိမ့်မည်။ ရင်အုပ်ကျယ်ကျယ်၊ ခါးသိမ်သိမ်ဖြင့် ဝမ်းဗိုက်အောက်မှ ရေသူမကောက်ကြောင်းက ပြေပြေပြစ်ပြစ်လေး လျောဆင်းသွားသည်။ ဂျယ်မင်က သူ့အနားသို့လာရန် လက်ယပ်ခေါ်လိုက်သည်။

"အင်္ကျီအရင်ဝတ်ရမှာလား မဝတ်ရဘူးလား"

ဂျဲနိုက နာဂျယ်မင်အပေါ် သက်ရောက်သွားသော သူ့ရဲ့ဆွဲဆောင်မှုကို ဂုဏ်ယူသည်။ သူ့ရဲ့ဟော်မုန်းတွေ ပျံ့နှံ့လာတိုင်း ရန်ကျွင်ဖြစ်စေ ဂျယ်မင်ဖြစ်စေ အကြည့်မလွှဲနိုင်ဘဲ အရှုံးပေးသွားကြသည်။

"မဝတ်နဲ့ အကုန်ချွတ်ချ"

ဂျယ်မင်က ကုတင်ပေါ်တွင် ဘေးတစောင်းထိုင်နေသော ဂျဲနိုအပေါ် တက်ခွလိုက်သည်။ ထို့နောက် ဂျဲနိုရဲ့နောက်စေ့မှ ဆံပင်များကိုဆောင့်ဆွဲကာ နှုတ်ခမ်းသားအချင်းချင်း အလျင်စလို ထိတွေ့လိုက်သည်။ သူကဂျဲနိုအပေါ် ထိန်းချုပ်မှုယူထားပြီး ဂျဲနိုရဲ့သည်းခံမှုကို အခွင့်အရေးယူကာ တစ်ဆင့်ချင်းတက်သည်။ ဂျဲနိုက အလိုက်တသိပင် ဂျယ်မင်ရဲ့အင်္ကျီအောက်သို့ လက်လျှိုဝင်ကာ ချွတ်ပေးလိုက်သည်။

"ငါတို့ရဲ့ဒေါက်တာနာကို ဘယ်သူ စိတ်တိုအောင်လုပ်တာလဲ"

ဂျယ်မင်ထံမှ ခံစားမိသမျှမှာ ဒေါသစိတ်နဲ့ တပ်မက်မှုဖြစ်သည်။ တပ်မက်မှုက သူ့အတွက်ဖြစ်ပြီး ဒေါသစိတ်ကတော့ ဘယ်ကိုဦးတည်တယ် မသိရပေ။