Heartstrings:The Deal [Completed]

Ch.?:Mystery Guy

READ THE AUTHOR's NOTE SA BABA WAG IBALEWALA! :)

------------------------------------

Heartstrings

Kathryn’s POV:

“… at dito na nga nagtatapos ang mini tour natin as for now…” Nakaka-apat na kaming building simula kanina medyo natatagalan kami dahil puro kwentuhan at minsan ako mismo nakakalimutan ko ng gawin ang part ko bilang student buddy niya na i-tour siya sa campus.

Nginitian niya ako.

“… ayos, masakit na din kasi ang paa ko meron pa naman sigurong continuation sa susunod na araw diba?...” tanong niya sakin.

Nasa 3rd floor kami ngayon ng building.

Nagnod ako sa kanya.

“… syempre naman yun ay kung kakayanin mo pa ang lakaranan…” sabi ko.

Pinapatdyak niya kasi yung paa niya ngayon. Nangawit na siguro sa kakalakad  naming hanggang ngayon kahit ako rin naman medyo nakakaramdam na ng pangangalay sa paa.

Tinignan niya ako agad.

“… syempre naman kaya ko! Ako pa!...”

“… kaya? E bakit kanina lang parang sumusuko ka na? Actually hindi pa nga tayo nangangalahati…” sabi ko sa kanya habang tinignan yung hallway na dadaanan naming dalawa.

“… ang laki pala talaga ng campus niyo noh?...” sumandal siya saglit don sa bakal at meron siyang tinitignan na kung ano sa baba.

Tinabihan ko siya.

Sa pwesto naming dalawa ngayon makikita mo na halos ang kalahating part ng North Richmond. Hanggang ngayon na-aamaze pa rin ako sa ganda ng structure ng building meron sa campus na pinapasukan ko.

Hay, ilang buwan na lang pala bakasyon na naman pero bago pa yon meron pa kaming dalawang grading na haharapin.

“…  Kathryn, iniiwasan mo ba ako?...”

Tinignan ko siya agad.

“… ha? B-bakit mo naman nasabi yan Gino?...” tanong ko.

May bahid ng lungkot sa mukha niya.

Binaling niya ulit ang atnesyon niya sa bagay na tinitignan niya sa baba.

“… Meron ba akong nagawa hindi maganda nung fan meet? Kasi… napansin ko lang nung mga nakaraang Linggo hindi mo na sinasagot yung mga text ko sayo…” sabi nito.

“…Sinubukan ko ding tawagan ka pero parating cannot be reached…” dagdag ni Gino.