My Blue Eyed Bestfriend(MAYWARD continues...)

Chapter 6

***Cheska's POV***

"Bagay ba?" tanong ko kay Alex habang pinapakita ko sa kanya ang isinuot kong contact lens.

"Ba't kasi kailangan mo pang mag-ganyan? Eh kahit naman anong kulay ng mata mo pogi ka pa rin katulad ko."

"Syempre alam mo naman dito sa atin pag alam na ibang lahi ka, sasamantalahin ka nila... Nag-iingat lang din ako."

"Medyo nagmukha ka ng Pinoy."

"Pinoy naman ako ah. Namana ko lang sa tatay 'ko tong itsura ko."

Tumingin ako sa salamin at sinuri ko ang istura ko. Tama nga si Alex. Nagmukha akong mestizang pinay ngayon. Okay na 'to madami namang pinay na nagpapaputi para makuha ang ganitong balat ko. Di na rin ako masyadong naiiba sa kanila.

Pagpasok ko ng school ay nagulat naman si Luke.

"Contact lens?"

"Yeah. So I would look more manly..."

"Bro, don't get me wrong... I'm just curious... when did you decide to.... let it out?"

"What do you mean-- my personality you mean?"

"Yeah."

Parang gusto kong humagalpak ng tawa. Paniwalang-paniwala talaga siyang tomboy ako.

"Ahhmm. I'm like this since I was a kid. I was raised with a lot of men around." Totoo naman iyon.

"Have you ever fell in love with a man before?"

"No."

"Hahahaha. Just kidding, bro!"

Malapit na akong ma-fall. Wag kang tatawa ng ganyan.

"By the way, do you have anything to do this Saturday? I'm having difficulty with some of the problems in Calculus. Maybe you can help me."

"Ahm. I have work til Saturday. How about Sunday?"

"Sunday would be better then. Can you come to my condo? We'll just have our lunch there."

"Okay."

"Thank you. I'm so lucky that I got a friend like you. I thought I'm gonna be having a hard time mingling with other people, especially Filipinos."

"'Coz you're nice. A lot of people would want to mingle with you."

"And you're nicer!"

"Hahaha!"

---

Dumating ang Linggo.

Di ako mapakali. May usapan pala kami ni Luke na magkikita sa condo niya.

Kinakabahan akong di ko maintindihan. At the same time nai-excite ako. Ano bang isusuot ko?

Ba't ba ganito ang pakiramdam ko?

Cheska umayos ka. Lalaki lang yan. Oo nga lalaki siya... at ako babae...

Napatingin ako sa salamin. Nilugay ko ang mahaba kong buhok. Never kong ginawa ito sa labas ng bahay. Laging nakatali ito at madalas na nakaipit sa sombrero.

Ano kaya kung pumunta ako doon ng nakalugay ang buhok?

Inabot ako ng isang oras sa pag-iisip pero napagpasyahan kong hindi gawin. Hindi pa rin talaga ako komportable. Naka-sombrero pa rin akong lumabas ng bahay. As usual, jeans, sneakers at maluwang na t-shirt ang suot ko.

Nagdoorbell agad ako ng makarating sa tapat ng unit niya.

Agad namang nagbukas ang pinto pero nanlaki ang mata ko sa aking nakita.