حلقة 9
و كمل كلامو : و الحصاد وقتاش يكون ....
سبأ : على سمانة من اليوم
غمزها : معناها ملتقانا على سمانة و العقد يتكتب اليوم
قربت : وينو العقد نقراه و نفليه و منبعد نوقع و طبعا بعدما تزيد شروطي فيه ...
دور جسمو و دار اتصال ... و رجعلها : خمس دقايق و يكون واجد و نسحق اوراق الارض
دارت شمرت على جبتها و راحت تجري .... على انظار آصف لي يعير في كل تفصيلة فيها .... صغيرة بصح عقلها مش تاع وحدة بنت 18 ....
جابتهم و خلاتهم عندها حتى تضمن العقد و الشروط ... لحقلو الفاكس ... طبعو من le PC .... و مدهولها .... بقات اكتر من 15 دقيقة و هي تقرى و تعاود و سينيات غير بعدما تاكدت من شروط و العقد صحيح 100٪ ... عطاتو الاوراق و هو سلمها فاليزة دراهم حق الارض .... و زادها نسخة من العقد الاصلي .... وحدة عندو و وحدة عندها .... و دار ماشي .... و عمل اتصال يدبرولو داار واسعة هناا و يجهزوها باجود مايكون في مدة سمانة باش يجي يسكنهاا و يخدم خدمتو في نفس الوقت ....
مستغربين كيفاش واحد كيفو يخضع .... ههههه ارواحو نروحو نشوفو الكواليس .... واحد من البادي ڨارد من اكبر المصورين لي عرفهم التاريخ .... صور لقطات دخول آصف للحقل .... بامر منو .... و غدوة باش تخرج مقالة طويلة عريضة على عايلة الكياني ....تضمن صور زائد مكتوب يزيد من شهرتهم و كبر شركاتهم و نجاحاتها ......
يستنى غدوة بفارغ الصبر باش يقرا العناوين و يزيد يقهر باباه .... هو هدفو الاكبر يبين بانو اكثر كفالة منو و مش باش يحطمو و لا يقلل من شانو .... و هادا لي صرا .... احتلت صورة آصف الكياني الجرائد مع عنوان لافت و مبهر #تواجد_الكياني_في_البدو_للتعاون_معهم_و_تدشين _مشروع_الاعانة_و_التطور
تبسيمة من وجهو متمحاتش خاصة انو الشرط لي دارتو جا لصالحو و مشيانو حافي القدمين على ارض بدوية .... خلاتو يبان الملاك المساعد .... ايه هادي هي حقيقة الكياني .... مظاهر ثم مظاهر .... لي يهم النجاح .... هبط للتحت وين كان قاعد باباه يشرب في قهوتو و يقرا فالجريدة و وجهو مرسومة فيه بسمة تاع الرضى ....
قعد على طابلة و هو كلو فخر و غرور بشي لي عملو .... خزر في باباه خزرة تاع درت لي عمرك لا قدرت ديروا ....
و حط يشرب فالقهوة و هو مطلع حاجبو يسنى فيه يحكي و لا يعاير و يهجم عليه كي صيد الهايح .... بصح هو محكاش .... كانو قاري افكارو مليح .... رفد مفاتحو و توجه للشركة 😉
