حلقة 70
تبسمت و عينيه مليانين دموع ... حست بنشوة سعادة طاغية عليها .... حشمت و حمارت بكلها ... بصح الاحساس لي حستو و شفافو فوق جبينها و هو يهمس بهادوك الكلمات : مبروك قصرونتي البدوية ... خلاوها تحس روحها ملكة و هو راكع عند رجليها .... حست بالفخر ...
ماعرفتش تبعدو و لا تصدو ... لاول مرة وقفت عاجزة ... لانو هي في حد ذاتها ... متوحشاتو ... متوحشة كل تفصيلة فيه كل ذرة غرور ... كل ذرة كبرياء و تعالي ... بمعنى آخر توحشتو خطيبها (و انا نتوحش الحيوط لي تقابلني فالرقاد 😒😒😒 و شكرا على زهري المعوج 😒😒 هاني سكت 😑😑)
عاود وقف و بقى يغزرلها و هي مهبطة راسها و مكبشة في روبتها ... عاود جبد روحو بلعقل و قعد ... كي عادتو قعدة فنطازية ... (قعدة جاد الفرعون اذا شافيين 😂😂😂 مع الدخان و الويسكي لي مايفارقوهش 😍😍💋) ... و لا كانو عامل حاجة .... يشرب فلاتاي و الغرور تاعو لازم منو ...
نوال راحت ليها تجري تعنقها و تبوس ... و آصف يشوفلها و ساكت ... كلهم فرحانين ... غدوة الاحتفال الاكبر .... و راح يكون من الطرفين بصح كل واحد و طريقتو
رفد روحو هو و علوش بعد ليلة طويلة قضاوها و تهنيئات كبيرة لسبأ رجعوا للدار اليوم هو الزردة او بمعنى آخر الاحتفال ... ناض باباها على الصبح ... رفد مواسو و وجدهم مليح و راح للغنم تاعو ... خير احسن زوج ... و مكاش خير من كبش ثني ... لحم طري و جديد ماشي عاصي و معمر خاصة اذا كان تاع صحرا (عندي خبرة فالكباش 😂😂😂🚬🚬) .... نقصد لي تربى فالرمل و ياكل عشب نقي و علف مليح ... سما بسم الله و ذبحهم ... الناس عندهم يذبحوا زوج للولد و واحد للطفلة ... بصح هو سبأ ممو العين ... و في خاطرها يذبح زوج و اكتر ... سلخهم و قطعهم و بعتهم لسبأ و خدوج يطيبوا و يبعتوا للجيران و يصدقوا (الصدقة تبعد البلاء 😍💋💋) .... من 6 و هوما يطيبوا ... طياب العولة مع نسا كبارات يعرفو لطياب الجماعة .... و لي يطيب يتغطى باش يبقى سخون ... و طبعا الخطيب (آصف) و علوش هادوك بارتهم وحدة و هوما جزء من العايلة .... سبأ فرحتها كبرت ... خاصة كي عرفت بلي باباها ذبحلها زوج في خاطرها ... و باش يبين بلي بنتو ما يغلى عليها شي ... و مايهمو في والو ... لا جيران واش يقولو و لا الناس واش يهدروا .... لي هموا انو بنتو نجحت بمعدل شباب و يشرف ... و خلات راسو طالع الفوق و كتافو عاليين فخرا بيها ... اما الباقي كلو يهون
