حلقة 83
كملت وجدت و لبست و خرجت عروسة تدي العقل ... الحرقوس لي ندارلها في يديها البيوضة ... و شعرها الذهبي نطم بكلو و اندارلو كواف ... و مكياج قاوي باين تاع عروسة مع شفاه بوردو تشع من بعيد ... لابسة لبستهم التقليدية لي هي عبارة عن روبة بكلها مطرزة و جاية Juste Corp و لونها ابيض ... لانو مكاشla robe blanche ... و رمااو عليها برنوس امهااا و حطوها فالصالون بين النساويين ... لي جي تحط الكادو تهني و تبقى قاعدة تشرب قهوة و تاكل القاطو ... فهاد الوقت لحق العريس ... وقفوها و هي ترعش و خايفة ... باباها عند الباب يحكي مع والدين آصف ... و خدوج شادتها من يدها و دموعها على خدها لانو خلاص هادي لحظة الوداع ... لحقتها عند الباب وين كان باباها ... لي غير شافها طاحو دموعو ... هادي هي النهاية اليوم يتفرق على صغرونتو ... باسلها جبينها قبل مايخرجها هو يخزرلها و هي مهبطة عينيها و دموعهااا شلال موش حابة تنفصل عليهم خلاص ... عنقاتو و هي تبوس فيه من كل بلاصة في وجهو ... سبقها و هو يمسح في دموعو و حل الباب و طلع ايدو و علاها و جات صغرونتو و خرجت تحت جناحو و هي مكبشة فيه و قلبها باش يخرج ... ماهيش قادرة تشوف شي .. تسمع غير في صهيل العود ... ماحست غير جهامة وقفت قدامها و برنوس ثاني ترمى على كتافها و يد خشينة ضمتها ليها ... عرفاتو من ريحتو و طول جهامتو ... شكون من غيرو راجلها ... ماقدرتش تمشي و هي مكبشة في باباها و يماها مع انو ماهيش تشوف ... بصح انسلت من يدو و راحت تجري ليهم و عنقتهم و صوت نحيبها واصل لاخر البدو ... حتى هوما زيروا عليهااا و محاوطينها ... دورت عينيها تحوس على رفيقة دربها لقاتها دايرة للجيهة الاخرى و تبكي بالصوت راحت ليها و عنقتها و نوال غير تشهق و تبكي ... مشهد يقطع القلب ... حتى من آصف القاسي و تاثر ... بقى مركز معاها ... عمرو تخيل راح يشوفها بهاد الضعف ... و عمرو لا ظن انو راح يكون الفراق هكدا ... نسى تماما انو راح تفارق عايلتها ... بيئتها باش تتبدل و ناسها ... كملت ودعتهم كامل و هي مزال شاد يد بوها لي وصلها حتى لعند راجلها و حط يدها في يدو : من اليوم عطيتك النور لي نورلي داري عطيتك كبدتي عندك تبكيها و عندك تجرحها حبها و خاف عليها و نتي نفس الشي طيعي راجلك و حطيه تاج راسك عندك لا يشكيلي منك و ضحك و هي و آصف ضحكو ... و دار موش حاب ينهار على الآخر ... عاود لفها ببرنوسو و بقى يمشي بيها
