حلقة 34
جازت سمانة عادية ..... و الهدنة صح صرات لحد انو كل حد فيهم شاد سابعو .... صح غريبة و كلنا حايرين .... بصح هادا لي صرا .... و آصف حس كانو حمل و انزاح عليه .... بصح لي مقلقو خرجات عليلو لي كترت و علاقتو لي توطدت بسبأ .... كل يوم يفطرو مع بعضاهم ... حتى انو ولا يسناها قدام الليسي و يوصلها .... الكثرة هدرت و لحقت لبوها و امها .... بصح مدام يعرف بنتو و تربيتها مايحب يفهم شي .... حتى عليلو واثق فيه .... و لي موش عارفينو كامل ... انو آصف علاقتو توطدت بوالديها .... بعد اللقاء الاخير بينو و بين حامد ....
#Flash_Back
فوسط بيروه يعس فالخدامة و يخدم في خدمتو .... حتى شاف عم حامد جاي .... معرفش باي وجه يقابلو .... ناض حمحم و سڨم روحو و خرج ....
لحق عندو و آصف بدا يحكي من حشمتو ديراكت : عمي انا مق... و قبل مايكمل قاطعو
تبسملو و قالو : عارفك يا وليدي و انا مش ماخذ بخاطري منك
و آصف زاد حشم اكتر ماهو حاشم : و الله مالقيت مانقلك
حامد بدى يضحك باش ينقص التوتر بيناتهم : ههههه اي وصاتني خدوج مانجي غير و نتا معايا
آصف تبسملو : اكيد عمي و الله حشمتوني انا .... و زاد قطعلو
حامد زبط وجهو شوية : خلاص يا وليدي صفحة و طويناها ضرك ايا معايا و طبطبلو على ظهرو و يمشي فيه و من هنا كترت جياتو و علاقتو بيهم توطدت .... بصح يجيهم غير لما سبأ تروح تقرا ... يجنب فيها على قد مايقدر .... و هي فرحانة و متهنية
....................
اليوم ماتقراش و بما انو عيانة بقات رقدت حتى 10 و ماحستش مع سهرت البارح مع القراية .... والديها خرجو و هوما متوترين و ماعرف بواش مشغولين .... و سبأ عندها مشكلة كي ترقد بزاف تولي ماتعقلش .... يعني يلزملها ربع ساعة باش تفطن مليح .... راقدة و لابسة روبة للركبة كحلة و بروتال ملفوق و جيهة صدرها هابطة شوية مبينتلها شقة صدرها .... و هي مهنية في رقادها سمعت الباب يدقدق .... قالت مايكون غير حامد كشما نسى ناضت تلم في شعرها للفوق و ناسية روحها (حتى باباها ياما وصاها مش خطرة مش زوج ديرهالو حتى يولي يعيط و يماها من الشعر بصح الله غالب😂😂 )
حلت و شافت جهامة برك و مزال مش مستوعبة تحكي و عينها مغمضة : خير حامد كشما نسيت نجبيهولك
واقف بطولو و مكبوس مسمر في بلاصتو ... عمرو لا توقع يشوفها بهاد المنظر .... فاتنة لابعد الحدود ... شعرها الاصفر المايل للابيض شوية مفرود على كتافها و هابط شوية
