حلقة 178
عينيه وسااعت و فمو تحل قرب ودنو لشفافها : عاودي واش قلتي ??
عاودتهالو و هي تصفق و فرحانة و غمزاتهااا تحفرواا على خدودهاا : اممم حاباتك تخرجني دوكااا لبرا نشم شوية هوااا تخنقت من ريحة السبي و قبل لاتكمل طلعوا صبعوا يشرلها بلالا و هو يقحرلهاا : ماتحلميش اصلا مزالكي مريضة و نزييد نخرجك مزال مخرجتش على عقلي
رخات شفايفها و بدات تزعبط تحب تهبط : مدخلنيش حابة نخرج ديجاا بعدني نكرههك
على آخر كلمة شعلل فيهاا : كييفااش كيفاشش تكرهيني و غرس صوابعو في خصرهاا حتى توجعت : اهههه آصف وجعتني كرشي
رخف عليهاا و هو يقحرلهاا : عاودييهاا و تشوفيي لا ماقطعتلكش هاداك اللسان
خرجتهولو توريلو فييه : هااااه مووت نتاا محبيتش تخرجنيي
بقى ساكت حتى حساتو ناض بيهاا زادت كبشت فييه كي البيبي خافت طيح حتى همسلها : نطيح انا و نتي ماطيحيش و زير عليها كتر طبس بلعقل و هي لاسقة فيه جبد جيليها رماه على ظهرهاا و زيرهولها على جنابهاا (جيبوليي واااحد اعععع و انا شكون نلسق فيه 😭😭 مهاااه 😢😢لقيتها نلسق فالحيط 😂😂 كي العادة هاني سكت 😒😒😌)
و رفد مفاتح الطونوبيل و خرج بيهاا ... حطها فالطونوبيل و غلقلها السانتور ... و راح لبلاصتو و حط المفاتح و قلع ... بقااو يمشواا و هي ساكتة ... نسمة الهوا الباردة تضرب في وجها ... و شعرها يطير فيه الريح ... نحات السانتور و جبدت روحها للتاقة كتر و هي مخرجة راسها حتى سمعت عياطو موراها قفزهاا : دخليي رب راسكك و رجعي لاسانتور ... زربت رجعتها و رجعت بلاصتها و هي ساكتة و تخزرلو و تقحر
و هو يغزر للطريق و فايق بيها : خير معجبكش الحال
عوجت فمها و بقات ساكتة ... حبس الطونوبيل و هي دارت تخزرلو : علاش حبسناا
طلع حاجبو : ماشي حبيتي تتنفسي هاني جبتك تتنفسي حتى تشبعي (و انا كيفاش نتنفس 😭😭)
بقات تخزر لقااتو البحرر ... دارتلو بزربة تعيط و تصفق ميتة بالفرحة قريب باش طيير : ااعععع البحر اععععع نموووت عليك و نقزت عليه باستو من شفافو و هو عينيه غير يوساعوااا منها و من هبالها ... حتى من بوستها خلات جسم يرعش تنهد و حل الباب و راح لجيهتها و رفدها و زاد غطاها بجيلي و قربها للبحر ... قعد على حجرة كببييرة و قعدها على حجرو و رجلييها زادة ... قاعدة بوضعية الجنين في حجرو (موتوااا 😂😂) و هو حاط نيفو فوق شعرهاا يشم في ريحتوو و مزير عليها عندو خايف لا طييح يعرفها تتحرك بزااف ... حس،بيها كي تحركت و حطت شفافها بين رقبتو و ودنو تهمس بنفس سخون و صوت حنيين و ضعيف خلاص : نعشق في جد والديك
الشي لي خلاه يتننهد من عروووش قلبو و يحط شفافو على رقبتهاا يطبع في بوووسة طفيلو النار لي شعلتها صغرونتو : و انااا نعشق في دييين والدييك يا قصرونتي البدوية
