حلقة 168
نوال تبسمتلو و حطت يديها على صدرو : اممم تعرف صلاحك
ضحك : ههههه امم عجباتك البوسة علابيها
خرجتلو لسانها : موتت
ضيق عينيه و ناااض و نوضها معاه : ندخل ندوش وجديلي حوايجي هاديك هيا نروحوا
نوال تبسمتلو : مايكون غير خاطرك بصح اشرب قهوتك قبل ماتروحش على معدة فارغة كلش واجد
تبسم و قرب باسلها جبينها. و همسلها في ودنها : نعرف مرتي مرا مقدية و ماتقبلش على راجلها يروح جيعان
تبسمت بالعريض و هربت توجدلو حوايجو .. دوش تمتم لبس حوايجو و شرب قهوتو الله الله و خرجوا للوبيتال ديراكت ... هبطوا راحوا للبيت دقدقوا لقاو الطبيب تما و سبأ و آصف و عم محمد : سلام عليكم
كامل : و عليكم السلام و رحمة الله و بركاته
نوال راحت قعدت قدام سبأ و علي قدام آصف
و الطبيب كمل يحكي : بون مدام الكياني بالنسبة للبارح كانت الحالة exelente كلش stable نشالله ادا كملتي على هاد المنوال يتقوى جسمك الطفل يشد بلاصة و حملك يكون لاباس
كامل بصوت تنهيدة : نشالله دكتور نشالله
الطبيب : بالشفا عليك مدام اليوم نخليوك تريحي مدام البارح تعبتي بزاف كاول مرة و غدوة نشالله نكملوا بالشفا عليكك و خرج و خلاهم كامل يتخازروا
حتى نطق علي : و كيفاش مع الراقي
آصف و سبأ خزرو لبعضاهم
و نوال نطقت :تفاهمنا انا و سبأ على الحاج خالد عندنا فالبدو و معروف عندو الحكمة و داوا حالات اكتر عادي
آصف يسمع و ساكت حتى تفكر : بصح شكون باش يجيبو
نطقوا علي و نوال : و حنا وين /???
حط يدو على كتفو و هو مزير عليه : نتا عليك سبأ و وليدك و حنا اليوم عشية نقلعوا بإذن الله نجيبو و نجوك
آصف تبسملهم بإمتنان و هو مقهور (يغيض 😞) جا يحكي سبقوا علي و هو يقحر : تقول كلمة نجيفك
طرطقوا كامل بالضحك : ههههههه
عم علي يخزرلهم و يصلي على النبي (صلى الله عليه و سلم ... صلوا علييه 🎀 ) : ربي يحفظكم لبعضاكم و يكمللكم بيناتكم
كامل : اااميين
سبأ بقات مهبطة راسها تغزر حتى غزرت لآصف فهمها حبت حاجة ... رفد روحو و قعد بجنبها و شدلها يدها باسها : امممم وشنو
خزرتلو و تبسمت يفهمها على الرمش : اممم توحشت ما و با
علي تبسملهااا : امالا نجيبوهم كامل تحوشناهم
سبأ : صح علوشي
نوال و آصف : سبأ
علي و سبأ : ههههههه موتوا و تغامزوا و زوج لوخرين يقحروا آصف عقد حواجبو كي تفكر : سبأ خلي كي يجوا انا نحكيلهم
سبأ تبسمتلو : ماتحكيلهم والو هادي حاجة تقعد بيناتنا لي لازم يعرفوها انو صغروني جاي لدنيا.
و بس حاجة تانية مكالاه
قلبو رجع يدق بالقاوي من الجاست لي دارتو .. فهمها. انو ماحبتش تفسد العلاقة ... فهمها انو حبت تخلي صورتو مثالية بالنسبة ليهم ... قرب باسها من جبينها بوسة معزة : ربي يخليك تاج فوق راسي طول عمري يا روحي
و الباقي يشوف و يتبسم و يدعي في قلبو يدولهم فرحهم و يكملها بيناتهم و ماتكون غير الموت لي تفرقهم ( و نتوما كتروا الدعاوي بالاك يجينا نسخة تاع آصف و ينوب علينا بعلوش 😂😂😂 و لا المخايد و الحيوط فالخدمة )
