حلقة 108
و هوما هكداك زادوا سمعوا التيليفون صونى ... تم حست سبأ بآصف بلي تكبس ... و هو بتجاهل التيليفون لي يصوني و مزال معنقها ... خرجت راسها من حضنو و هي تخزرلو و حواجبها مقطوبين : آصف و علاش ماكش باش ترد بالاك حاجة مهمة
آصف نفس بقلة صبر : اففف باسكو عارفو الصامط تاع عليلو
و تم سبأ فرحت و طلقت ضحكة من قلبها : هههه صح توحشتو علوشي خلينا نحكي معاه
تم بعدا زاد تكبس اكتر و رجع وجهو حمر (شعرو وڨف 😂😂😂) عروق يدو و رقبتو بانو و خرجو : سبأااا ... قالها بصوت محشرج بالغضب
سبأ البسمة تمحات و خنست فس بلاصتها : اامم هاني سكت (ههههه تشبهلي 😂😂)
رفد التيليفون و رد من كترة سماطة عليلو لي محبش يحبس : الو
علوش طلق ضحكة طويلة : هههههههههه اعصابك يا الكياني لا تتجلط و تموتلنا
آصف : هههه (ضحكة صفرة ) ملخر واش تسحق ياك وصيتك و لا حابني و سكت كي شاف سبأ مركزة معاه
علوش زاد كمل عليه : ههمم فقتلك كنت راح تجبدلي العائلة الكريمة ههههه بصح سوسو قدامك ديجا جوزهالي
آصف و هو يحكي بصوت تاع واحد يزيد شوية و يطرشق : عليييلو اذا راك حابة تعيش كوبي
و ماحس غير بيد صغرونة جبدتلو التيليفون من يدو و حطتو في ودنها و هي
تضحك و تخرج لآصف في لسانها : علوشي
و علوش فرح من قلبو كي سمع صوتها : اوههه سبأ كيفاش تكرم علينا الوحش ديالك و خلاك تهدري معايا
دارت للجيهة لوخرى و هي تشوف في وجه آصف لي مايتفسرش بعدما ناض و خرج للبالكون : اسكت برك يزيد شوية يفركنا انا وياك و مزال مفهمتش علاش يعني
علوش : هههههه يعطيك غمة باش تروحيني على صغر سني
سبأ : ههههه اللطف عليك ادعيلي ليا معاك
علوش : المهم ياك لاباس انا اصلا عيطت باش نطمن عليك
سبأ : حمد لله سوال عليك واش احوالك
علوش : نقولو لاباس و محضرلكم Une petite surprise نشالله اذا فلحتلي
سبأ : اععععع صح متنساش تخبرني انا اول وحدة حتى قبل آصف الوحش
علوش : هههههه مايكون غير خاطرك هيا نخليك دوك و روحي غير بلعقل قبل لا يقضي علينا كامل
سبأ ضحكت و كوبات ... رفدت روحها غير بلعقل باش تمشي ... باسكو حاسة بحريق و وجع مع بعض ... بدات تمشي و تسند روحها على الحيط باش توصلو و هو دار على غفلة شافها ... جاها يجري : ربك ماقتلكش ماتتحركيش حابة تخرجيني من عقلي
سبأ زعفت : كاصف ماتعيطش علياا
آصف نسف و هو يزير على شعرو قريب يقلعو : افففف ولينا لكاصف زادة افففف من صحة راسك
