حلقة 56
و خرجت للكوزينة وجدت فطور صباح الله الله بالزبدة و الرايب و العسل الحرة الزيتون الطاجين... غير الحوايج لي يفتحوا الشهية و يرفدواا الصحة حطت من كلش فالطبسي و قبل ماتروح حوست على علوش كي لقاتو فالسالدوبان حشمت و راجت نجري رفدت السنيوة و دخلت لعند آصف
حطتها على جنب فوق Table de nuit
و راحت ليه ترج فيه غير بلعقل باش ينوض : آاااصف ننوض آااصف
و هو بدا يفطن و ناوي يدور على جيهة لوخرى باش يكمل رقادو ناسي بلي مجروح و تعيط عليه كردة فعل : عندككك دووور
فتح عينيه خطرة وحدة و جا ينوض بصح حس شغل الكورون ضربو من جيهة كتفو و خرجت منو : اااهه
راحت ليه تجري و هي تلوم فيه و تانب فيه ناسية روحها : علاش عليك تتحرك اهه مش عيطت عليك باش ماتتحركش (هههه شغل طفل صغيرر 😂😂😂)
و آصف بقى يغزرلها و هي تهتم بيه و خايفة عليه و قلبو يرعش من الفرحة بصح جايت تاعها خلاه بلا مايفيق يضحك : ههههه
و هي كي شافتو ضحك حست روحها شغل تحرڨت و نسات روحها و وجها حماااار طمطومة و هي بيضة بهصة يبان فيها بصح لي مجيرها انو يعرف يضحك و ضحكتو تهبل 😢😢(نبكي بالدموع على زهري 😒😒 العوج الاحرف المزمر احم نسيت روحي 😂😂) : احم احم
