حلقة 112
سبأ ربعت يديهاا : يعني ماتتبدلش يااا مغرور
زاد هز كتافو كتر يوري،فيهم : و نتي تحبي هاد المغرور
تبسمت و عينيه ذبالو و نطقت بدون وعي منها : نعشق فيييه اصلا
و ماتحس،بيه غير جبدها من حزامهااا لعندوو بلعقل لانو خايف عليهاا (و انا شكون يخااف عليا 😭😭😭) : و انااا نعشققق في دين امكك
و هي ضحكت صح حتى هو استغرب منها : ههههههه تعرف،نموت فيهااا هاد الكلمة مع انو عنف في عنف بصح اممم موش،عارفة و غطست راسها في صدرو
و هووو حس روحو ذاب بهدرتهاا كل يوم تقتلو و تزيد على ما بيه خاصة كي تحشم و تغطس راسها في صدرو يحس بمسؤولية اكبر تجاهها هي مرتو و بنتو و كلش في حياتو ... شدلها شعرهاا بحنانة و طلعلها راسهااا يغزر في عينيها الخصر لي دبحوه : ياا روح لي يعشقك كي تقوليهاا شوفي فيااا و تنهد من قلبووو اههه : كون نقدر نخرجلك قلبي و نحطو بين يديك كون ليا شحال حطيتو و محوستش نفهم
سبأ : بعيييد الشر عليك فيا و لا فيك معادش تحكي هكااا انا نحب قلبك حي ينبض و انا نسمعلو
تبسم و باسلهاا راسهاا و تنهد بصح هاد المرة بتحشرج تاع واحد خايف : اهههه
و هي شافتلو و قلبها وجعها عليه : كاشمااا بيك احكيلي
زاد جبدها لعندو و حط جبينو على جبينها : لا والو يا روحي بصح لازم اليوم نروح نشوف احوال الشركة و نرجع فالعشية
باستو من خدو و تبسمتلو : على راحتك تلقاني نسناك ديجا ليك شحال مرحتش تخدم يلزمك تشقر ساعة على ساعة
آصف و هو مزير عليها : اممم و انا مانيش،حاب نخليك وحدك مازلك مريضة
تنهدت بصوت رهيف : حمد لله راني خير من قبل على الاقل راني نرتاح و يما سامية معايا جي،العشية تونسني
و ناضت و جبداتو من يدو تنوض فيها بصح جاها تقيل : ايا كاصف نوض راكك قد الدنيا
قحرلهاا على كاصف و منبعد طرشق بالضحك على كلامها : ههههه نتي،لي قد تفتوفة يا قصرونة نرفدك بصبع
قتلو بصوت غاضب : ااااصفف
ناض بعد معاناة كبيرة 😂😂😂
و طبعاتو للدوش و خرجت توجدلو حوايجو ... ستفتهملو فوق الفراش و على الاكيد خيرتلو كوستيم
.. يعشقهم و يعشق حاجة اسمها،كلاسيك ... اصلا يواتيوه بشكل كبير ... مع كتاف متفارقين و صدر عريض ... قطع تفكيرها خروجو من الحمااام و هو مدور على حزامو سربيتة (منشفة) و سربيتة تانية يمسح بيها شعرو .. زادت تاهت فيه كتر من لي كانت تايهة خلاص ... حمحت و هربت تجري و هو يضحك عليها و فاهمهاا ملييح علاش هربت تجري😜
......................................................
جام على كل حلقة
