حلقة 1
غفلت لحظة لقات الغنم تزرعت بكلها و كل وحدة هاربة .... شمرت على روبتها و رفدت عصاها ... و ناضت تجري و شعرها الاصفر طاير معاها ...تضرب في عصاها و على الارض و تلم فيهم و هي تعيط : اههه يااا ڨطعان باش تهربواا .... ايااا ارجع .. اههه وين رايح ..... الكلب يجري معاها و ينبح عليهم باش يرجعوا .... بعد جهد عظيم قدرت ترجع تستفهم .... دخلتهم للحظيرة .... و لبست بوطها و توجهت للبڨر .... حطت بيدونة تحت البڨرة و بدات تحلب و هي تغني بصوتها العذب : انا و غزالي فالجبل نلڨط النوار .... انا غزالي و هالالة في الجبل نلڨط النوار .... و هي ساهية سمعت يماها تعيط : سبأ ارواحي .... الحليب وين
سبأ تنفضت ناضت و رفدت البيدون : جاية هااا مااا اني جيت
دخلت لبيت بسيط قصديري .... كي حالة اغلب البيوت فالبدو ....
حطت الحليب في الشكوى (واحد الجلد حيواني يتحط فيه الحليب باش يتمخض و يستخرجو من الزبدة و الرايب و اللبن و الفرماج 💜💜)
و بدات تخض فيه و تضرب ..... خلاتو يريح شوية و دارت دير فالمطلوع .... تعجن و ترجع ... تعرك فيه على الڨصعة .... غطاتو بايزار و راحت ليماها ...
سبأ : ما المطلوع راهو بخمر و الحليب يتمخض شنو ندير ذروك ....
خدوج : و ضرك حتى نڨلك هااا ماهي باينة سڨدي عليا الدار و مسحيها
سبأ دارت براسها انعم و دارت رايحة .... تنفض فالفراشات و تهوي فيهم .... كيما كل اليوم هادي هي حياتها .... و فالعشية تروح تقرى ... هاد العام باك .... ماهيش جاهلة ... بالعكس من الناس لي يحب يقرا ... و عندو شغف كبير للتعلم .... بصح حتى و لو ... البدو يبقى بدو ... يحكم بمنطق الطفلة للدار ... كملت ترتاب الدار .... و راحت لعند بوها لي كان خدام فالحقل .... جاتو تجري : باااا صباحك مزيان وشراكك
دار يشوف فيها و يضحك : هههه راني غاية و بنوتي وشباها
قربتلو باستو من جبينو و خدو : شي با جيت نشوف شاخاصك باش نعاونك
عنقها بمعزة : ربي يخليك ليا يا الغالية انتي
و هي عنقاتو اكتر ... باباها نور عينها (كيف بابا ربي يحفظهولي و يحفظلكم والديكم 😍😍) .... هي وحيدتو .... كانت احلى حاجة ... نور حياتو .... حتى ولا يحبها اكتر من يماها ... على هادي محرمهاش من القراية .... بصح شرطلها الباك و تحبس و منبعد تحب تتزوج و راجلها يكمللها قرايتها ... و هي مقدرتش تعكسو ... اي حاجة يطلبها مقدسة بالنسبة ليها .... و هو قريب ليها اكتر من امها😘
