حلقة 163
دخلوا للبيت الثانية وين كانت مجهزة بألالات تاع Sport ... مخصصينهم للحوامل بالذات ... بقى رافدها عندو و هي تخمم في كلامو و تايهة في عالم آخر ...
قدملهم الطبيب و عطاهم كاتالوڤ ... فيه تعليمات و كيفاش يطبقوهم : Alors مدام كيما راكي تشوفي هادوا ديريهم 3 خطرات فالسمانة باش نخلوا المفعول تاع الدوا يكون اسرع و اكثر افادة مع شوية مساعدة من الزوج و هايليك الممرضة ادا كاشما سحقيتو ايا نبداااو
سبأ بقات تخزرلو و ساكتة قربت لودن آصف تهمس : أصوفتي مانقدرش ندير Sport بهاد الحوايج
نفخ بالعصب و دار ليها عض شفتو و هو يفكر واش يعمل ...
حطها فوق الكرسي و هبطلها الروبة و دار للطبيب جبدو على جنب : نحب نبقى انا و مرتي وحدنا
الطبيب تبسم باسكو فهم : y'a pas de probléme اني راني le bureau تاعي و ادا كاشما سحقيتو عيطوا للفرملية
شرلها باش تخرج خرجت غلق الباب موراه و آصف حكم تيليفونو و عيط لعلي : الوو علي وينك
علي : هاني فالدار هادا وين لحقت كاشما سحقيت
آصف عوج فمو : جوزلي مرتك سبأ تسحقها
علي : اوكي ... دار عطى التيليفون لسبأ : هايليك نوال قلها تجيبلك واش تسحقي
سبأ حكمت التيليفون : صحا ... الو نوال
نوال : اهلا حبيبتي ياك لاباس غير الخير
تبسمت سبأ : غير الخير حبيبتي بصح نشقيك جيبيلي حوايج و مع سورفاتمون و كي جي نفهمك
نوال : اوكي نص ساعة و نكونوا عندك
دارت لعلي تحكي معاه : علوش سبأ تسحق حوايج و لازم نديهم لوبيتال
علي : ايه امشي البسي حاجة مستورة و انا هاني نستنى
قربت باستو من خدو بلعقل و همستلو : نمووت فييك يا احلى راجل فالدنيا
تبسم على تزعبينها و برائتها و ضيق عينيها يتبع فيهااا و هي تجري : هههه مهبولة بصح نعشقها ... كملت وجدت روحها هبطت طلعواا للطونوبيل و هبطوا قدام الدار لقاااو العم محمد قدام الدار و الدار فيها زوج نسا لداخل ... علي عقد حواجبو و شد نوال من يدها و قدمولو ... مع شافهم قربلهم و هو يتبسم حلوا يديه : مرحبا يا وليدي نشاله لاباس و نتي بنتي لاباس
نوال و علي بتبسيمة : حمد لله عمي سوال عليك
تبسملهم : حمد لله ولادي كي بنتي سبأ لاباس انا حمد لله خير ماجابكم
علي : جينا ندوا شوية حوايج لسبأ بصح شكون لي راهم فالدار
العم محمد : هادوك لي مكلفهم آصف باش ينقوا الدار.
علي : اههه صحا المهم مانطولوش عليك عمي مزروبين شوية
العم محمد : براحتكم وليدي و سلملي علي آصف و سبأ راني غدوة نجي نزورهم
