حلقة 142
و تولي نبرة صوتها ماتبانش فيها غصة البكا : ههههه مبروك حبوبتيي هاكييي عايشة La belle vie بصحتكممم و ربي يدومهاا
نوال ضحكت و زعمة زعمة حشمت : ههههه احم احم و نتي احكيلي كاش جديد واش احوالك و حوال الغول تاعك
سبأ مسكينة بلعت ريقهااا .. عدلت قعدتها رجعت شعرها للور : اكي تعرفيي،الحياة الزوجية خرجات و تحواس تعرفي حتى حناا عرسان جدد
نوال ضحكت بخبث : هههه هممم واش احوالكم احوالكم احم احم
سبأ ضحكت بوجيعة : ههههه بوه انا وين و نتي وين بصح هاديك حاجة لازم منها احكيلي عليك
نوال حشمت : تشوفي واش فرححح كي عرف بلي راجلي الاول مامسنيش اعععع غير يبوس و يعنق و الله ماتوقعت كامل يدير هكدااا ديجا اصلا ماتوقعتش يحبني كامل هكااا و تشوفي دايمااا يقولي واحد الكلمة عيب بصح انا تعجبني
سبأ ضحكت: هههه قولي نقولك واش يقولي آصف
نوال حشمت : احم نتن*** عليك
سبأ طلقت ضحكة طويييلة : ههههه انا يقولي نعشق في دين امك
نوال ضحكت : و ترني زوج مهابل و طحنااا فيهممم ايااا كلوبتيي نخليييك انا راهو يعيطلي سلميلي على غاجلك و قوليلي راهو يسلم علييك علي
سبأ: يوصل حبيبتي و نتي زادة سلميلي علييه بزاااف اياا باي باي و متغبريش نوال : ههههه متخميش العميرة تاعيايا باي موااح و كوبات
مع حطت التليفون و كوبات. سمعت لاصونات ... عقدت حواجبها بصح ظنت انو آصف ... بصح هو مايجيش حتى يكون الليل كامل و دوك راهي 6 تاع العشية ... سڤمت شعرها غسلت وجها لبست البينوار و راحت تحل
غير شافتو عقدت حواجبهاا : عمييي غيير الخيير
عم محمد تبسملها: غيير الخير يا بنتي غير،الخير نشالله جايك على موضوع في راسي و كل مرة نقول نقولك و ننسا
سبأ قرنت حواجبها و دارتلو بيدها باش يدخل : ايه معليش يا عمي اتفضل لداخل نحكو براحتنا
دخل و بقى يشوف فالحالة و سبأ ملقاتش وين تحط وجهااا من الحشمة جات تهدر قاطعها بيدو : يا بنتي ماعندك ماتفهميني راني فاهم كلش و ماكالاه تبرريلي و على هادي جيتك
سبأ تبسمتلو : كاشما تشرب عمي
العم محمد دارلها براسو تاع لالا : ماهوش وقت القهوة ارواحي ريحي نفهمك
سبأ زادت خافت و راحت ريحت قدامو
شدلها يدها و بدا يفهمها : شوفي يا بنتي ماهوس،جايك راجلك بيزار حتى طبايعو تبدلو تحسيه تبدل 100% حتى انا معقلتوش عشرة سنين بيناتنا
سبا زيرتلو على يدو : ايه يا عمي انا مرتو و ماعقلتوش بصح واش راهو في راسك مافهمتش
العم محمد تبدل وجهو زيرلها على يدها : يا بنتي ماتكون غير حاجة وحدة دارولكم حاجة
سبأ زادوا تعقدواا حواجبهاا : و الله ما فهمت كيفاش دارونا. و واش دارونا
ضحك على نيتها : هههه يا بنتي نحكي على سحور باينة دارولكم سحور صحيح
........................................
