حلقة 24
صحيت وليدي .... ادخل علاش واقف عند العتبة ... نتا ضيفنا يا مرحبا
عليلو حشم هبط راسو : اهه يسلمك عمي و سمحولي على الازعاج ظنيت كيفنا طولو باش ترقدوا
حامد عرفو حشم : ايه اكيد يا وليدي ديجا تاي على الكيف يسنى فيك متحشمش ادخل
دخلو و قعدوا فالصالون و دخلت خدوج تڨسر معاه و تحكي و عليلو بسلامتو بحبوح .... و سبأ ناضت وجدت اتاي على الكيف و زادت معاه من احسن المكسرات لي عندهم حمصتهم بالطبع مع حلوة الترك(اممم روعة البنات مجربتهم 😍😍حبة من كلش مع شوية حلوة ترك 😢😢) و حطت كلش في سنيوة .... و دخلت للصالون حطتهم و رحبت بعليلو ... و بقاو يڨسروا
قاعد يسنى فيه يرجع ... بصح والو طول ... لبس فيستا على تريكوه و باساكت و خرج برا يحوس عليه ... والو ريحتو متسعاش .... عرفو مزالو عندهم ... بلا مايخمم مرتين رفد روحو و راح للدار ... لحق لباباهم و دقدق .... مع انو شايفها تقيلة و طايحة ... بصح قلبو كلاه ... عليلو يدخل و هو لالا ...
و هوما يڨسروا سمعوا الباب ... ناضت سبأ و حلت و لقاتو في وجها : اه هادا نتا يا مرحبا كشما احتجت
زبط وجهو باش مايبان عليه والو : عليلو هنا
سبأ و هي تتبسم : قصدك علوش ايه هنا سكت و هي فهماتو و حبت المبادرة تكون من عندها
دارتلو بيدها باش يدخل : تفضل عندنا متبقاش فالباب .... حنا منخلوش الضيف يسنى فالعتبة
دخل و هو يترقب في كل حاجة ... حس بدفى الدار و حنانها ... دخلاتو للصالون و قابلو عليلو يضحك و يضرب فالاتاي الله الله شايخ (😂😂😂 مايراطيش )
وقف حامد يرحب بيه : زارتنا بركة مرحبا بيك وليدي تفضل اقعد .... آصف الكياني لكلو حشم ... قعد و تبسملو : يسلمك عمي يزيد فضلك .... و خدوج تتبسملو : مرحبا بيك يا كبدي شرفتنا نشالله دايما
آصف حسها حنينة و شحال قاصتو كلمة كبدي .... هي خدوج بطبيعتها حنينة و تتعامل مع الناس هكدا ... بصح واحد لي محتاج حنان كيفو يتقاس بلى مايفيق ....
تبسملها بحنية : يسلمك الحاجة
خدوج بدات تضحك : هههه بعدا حاجة ضربة وحدة ڨولي ما راك في مقام ظناي لي مجبتوش
واش حس بكلامها .... اجتاحتو ثورة مشاعر .... حكم روحو عشعرة مايعنقهاش : ربي يخليك يا ما
و عليلو يشوف و ساكت... فاهم صاحبو .... بدا يتبسم هادا هو دواه .... لازم يحس بطعم العايلة و حنيتهم باش يرجع مسڨم .... حتى من سبأ .... راح تكونلو المرهم و في نفس الوقت النار لي تكوي الحديد باش يلين
.......................................
عسولاتي متتبعات الكرونيك من اي قروب كان باش يكون في علمكم حاجة انو الكرونيك مش غير حب و عشق .... لالا الكرونيك نحاول بقدر مانقدر نشمل فيهاا حنان العايلة و دفاها لي فقدهااا آصف و منها تعقد وولو مغرور و مايهتم بشي .... نحكيي على واقع مؤلمم في بلادناا و مش غير فدزاير حتى المغرب و تونس .... الكرونيكك هي مثال عل الواقع العادات التقاليد و الاهم المجتمعع يعنيي مش غييرر حببب.... حابتهااا توصل لكامل القروباتت مش لشهرة و بس لالا باش ناس تتعلم عادتنا تثقف الدول المجاورة
نتمنى تكون عجبتكمم لحد الان واش توقوعاتكممم تفاعلكممم 😆😆😍😍
Vote
