حلقة 16
سبأ حاكمة خريطة الارض .... و طالعة فوق تراكتور .... تشرح و جايبة من عندها .... و الاعوص انو كلهم متبعيين و مركزين تركيز تام (😂😂😂) حتى من صاحبو لانتيم مكتف يديه و يغزر و تبسيمة نص على وجها
زرب خطواتو .... دخل الحقل هكداك بصباطو و هاداك الوقت كل لي همو انو يخرجهااا من تم ... لحق عيط عيطة وحدة ... كامل دارو مفزوعين و تستفوا .... ماعداها هي لي طوات الخريطة و كتفت يديها تشوف فيه بازدراء كبير ....
بدا يعلى صوتو و هو يانب فيهم : مانيش مخلصكم باش تبعولي فرخة هادا مشروع تاع ملايير فاهمين
قدم ليه صاحبو و وشوشلو : ياخو هادا واش كانت تقول قبل ماتجي و حكم الضحكة لي جاتو باش مايحرڨش صاحبو
و سبأ التبسيمة ترسمت على وجها فاهمة مليح واش صاري في راسو و مش باش يقبل يلين و لا يطيح من روحو ....
عاود عدل فيستو و امرهم كل واحد يشد خدمتو .... و دار ليها ... ماشي بخطوات راكزة و عينيه الشر ماليهم ...
طلع راسو و هو مشنف و قلقان للاخر : مدموزال مدابيك متزيديش تدخلي في حوايج مايخصوكش
خلاتو يهدر و طابست سوطات و هبطت ... جات قابلاتو و وقفت ند ليه : متنساش المشروع مسمي باسمي و نحبو على اتم التمام
قرب ليه و طبس يحكي في وجها : و ماتنسايش انو انا لي كحييت و فورنيت عليه
و هي زادت زبطت وجها : و متنساش زادة انو لولا قبولي ببيعان الارض ماتحلمش بيه يا سي سيد
تبسم : موش ناسي زادة انكي ديت حقو و زيادة و غمزها ... دلالة على استهزائو بيها ....
و هي حبت تمحصو كتر .... عاودت جات قدامو مالغري متبانش قدامو : و نتا زادة حط في راسك لوكان ماحققتش شروطي ماتحلمش بيها اصلا
و دارت ماشية ...
راح لصاحبو و هو يڨحرلو : صحيتك باش توقف معايا واقف تتفرج و فرحان ... ديجا واش جابك
علي : هههههه تطريدة بالكبير مرسي ياخو ... نورمالمون علابالك بلي راني جاي ... خليتلك ميساج
خرج التيليفون من جيبو و لقى بلي صح خلالو ميساج ..... عنقوو ترحيبا بيه : و الله ماشفت الميساج المهم مرحبا بيك
و راحو يتمشاو و هو يوريلو و يشرحلو في كلش ....
و هي قاعدة اعلى الحقل و تراقب كلش عن كثب .... حارصة انو تشهد على كل حاجة كانت صغيرة و لا كبيرة ... حابة المشروع يكون نقطة تحول في حياة الاغلبية هنا و اولهم هي ... راح يفتحلها آفاق بزااف ..... و يخلي التغير الجذري تاع الحياة الدراسية يبدا من العام هادا و بزاف بنات مش باش يكون مصيرهم الزواج
