حلقة 196
اليوم تلموااا كلهم على الطاولة و الفرحة تختمت بحضور علي و نوال .. بعد الخبر لي سمعوهم ما كان عليييهم غير يجوااا للبدو و تكمل الفرحة مع خدوج و حامد و امها بوهاا و آصف و سبأ و آسيا و عابد لي جاااو بصدر رحب و مطبسين راسههم من الحشمة من آخر مرة ..
تحط العشاااا و تسربى و صوت ضحكهمم واصل لآخر الدنيااا .. قلوبهم مليانة فرح .. بعد ما سوفرااو شهور اخيييرا الفرحة طلت عليهم .. تغزر لمتهم و تتبسم بالعريض .. تحمد في ربي علي نعمة العائلة و الزوج و الابن و الاهم اللمة هادي الحلوة .. دارت على جيه تغزر لنصها التاني .. روحها و قلبهااا و كبدتها .. عشقها و بو ولدهاا .. غمزاتو و شرتلو بيدها لبرا ..تبسم ديك التبسيمة لي تشقلها قلبهااا و رجعلعا الغمرة .. ناضت خرجت تتمشى بلعقل .. مع كرشها لي بدات تتقال و داخلة في شهرها الرابع .. بقات تغزر للسما و تتفكر في حكايتها معاه .. تبسمت كي حست بيديه تلفواا على خصرها و شفافوا تحطوا على رقبتها و بقى يهمس: فواش راهي تخمم قصرونتي
تبسمت و زيرتلو على يديه: نتفكر حنا كيفاش كنا و كيفاش ولينا
ضحك آصف و باسها من خدها: هههههههه نشفالك كان لازم تطلعي فوق حجرة باش تقدري توصليني
ضحكت و هي تتفكر :ههههههه حتى نتا كنت فنطازي و مغرور اهه لطيف اللطف بصح ركعتك و خليتك تدخل الحقل برجلين حافيين يا سي كااصف
ضحك: ههههه رجعنا لكاصف بصح نستعرف مكاش لي ركعتني من غييرك يا بدوية و احلى تركييعة تاني
تبسمت و دارت قابلاتو: مزالك شافي على ادق التفاصيل ??
حط جبينو على جبينها: و كيفااش يا روحي من نهار شفتك فالحقل للنهار لي دخلتيني فيه للنهار لي جيت نسكن للنهار لي طيبتينا بركوكس للنهار لي دخلت للشونتي بخريطة اكبببر منك
بدات تضحك على آخر جملة: هههههههه صح اكبر منيي بصح درتهااا باش نوريلك بلي بنت البدو مثقفة و تفهم
آصف غزرلها و طلع حاجبو: من ناحية وريتيلي وريتيلي ملييح نشفى كنت حاب نقتلك هاداك الوقت
قحرتلو و خبشاااتو من رقبتو: مكاااش لي يكرهني ياا مغرور
ضحككك و زيرلهااا على خصرهاا لسقهااا فيه كتررر: هههههه كنت يااا روحي كنتت اما دووكك نعشق في والدييين امكك يا بدوية و قبل ماتحكي و لا تعبر لقاات شفافو ياكلولهااا في شفايفهااا 😍😍
