حلقة 123
و البرنوس خبت تخرج بنفس برنوس سبأ ... حتى في برنوس الستر و راح يتشاركواا(ربيي كامل يرزقنااا برنوس الستر 😘😘)
رماتو عليهااا و خرجوهاا النسااا بزغاريت و صلاة على النبي و يماهاا عينيه مدمعين و فرحتها ماتعطيهاا لحد ... بعدماا طلقت نوال يأست يماها انو راح تزيد تتزوج ... عقلية البدو هادي هي المطلقة للابد حد مايشوف فيها ... بصح هادا تفكير تاع الجاهلين للاسف ... واش فرحت كي جات حكاتلها خدوج على العريس مانقصو شي و زيادة قابل بنتها و حابهال هكداااك مافيش احلى من هاد الشي ...
وصلو للدار و دخلوهاا للصالون وين كانوا النسااا قاعدين و يزغرتوا و المداحات يغنواا و يطبلوا ...
و سبأ غفلتهم شدوااا نوال راحت تجري لبيتهاا ... جبدت ڤندورة فالاكحل مرصعة في حزامها ... و Simple على الاخير ... شدت شعرها للفوق و خلات خصلات طايحين ... عملت كحل برزلها عينيها و روج nude فالمارون كلار خرجت هبال ... و بتوصيات الموسيو ماتكترش و لا تبان قدام الرجال ... و كي جي تخرج مع نوال العباية تلبسها ...
عملت رشة من البرفات تاعهاا و لبست طالون و خرجت مع بوشات في يدهااا ... على صوت الزغاريت لي علات و البارود لي ضرب معلن حضور العريس ... دارت تغزر لنوال عينيهاا دمعواا ... باش يتفارقواا مرة اخرى ... نوضوا نوال .. و يماها شادتلها اليمين و سبأ اليسار
... و غطاوهاا بالبرنوس ... و قربوهااا للباب وين كان باباها حاط يدو باش تخرج للمرة التانية تحت جناحو ... قربت بلعقل و هبطت تحت جناحو ... منبعد دارت و عنقاتو ... مع انو علاقتهم موش وطيدة بصح يبقى باباها لي جابها و كبرهاا و رجع منها مرا كاملة مكملة ... و اليوم باش يسلمهاا مرة تانية لعريسهااا ... دارت و هي تبكيي و دموعها شلال ... و عنقت رفيقة دربهااا بالشهقة ... و بقات العزيزة للخر ... امها و حبيبة قلبها ... لي حلتلها يديها و جبدتها تعنق في ضناها و تشم في ريحتهااا ... مشهد خلى الحاضرين كلهم يبكواا ... حتى من علوش و امو بكااااواا ... عارفينها صعيبة بزاااف مفارقة الوالدين و زيادة باش تروح للعاصمة يعنييي حاجة بعيييدة ...
جبدها باباها من يدها و هي مطبسة راسها تشوف فالارض مع البرنوس لي محجبلها الرؤية ... حتى حست بيد اخرى خشينة شادتهاا و مزيرة علييهاا و وصايات باباها لي خلاوها تزيد فالبكااا اكتر و كترر ... بدااا يمشيي فيهاا للطونوبيل ... على اصوات البارود ... و الزغاريت
