حلقة 53
و صوت سبأ تعيط : اععععع آصف و شداتو باش مايطيحش بصح ماقدرتلوش بحكم تقيل بزااف (😂😂😂 الله بارك هادوك العضلات كامل راهمم يوزنوا 😢😭 هاني سكت😂😂)
طاحت و هو طاح عليها و يديه مكبشين في حوايجها باش يتسند عليها (يااا عمري مشهد جدا حساس قلبي وجعني 😢😢😢😢ايماجينوهه ملييح ) بدات تبكي و هي تحاول تخلييه فاطن : ااااصف ابقى فايقق ماتغيبش
و هو يغزرلها و يتبسم متقوي بيها : ههاننيي متتخافييش المهم نتي مابيكك شيي ياا بدووية... و غاب على الوعي و تقلو كامل طاح على سبأ لي قريب طيح و هي شاداتو و عليلو لي طايح على لوخرين بالضرب و الناس بدات تتلم .... و جاتها الجارة تجريي : يا بنتي لازمني نحيلو الرصاصة اذا باش تبقى هكذا راح تتعفنلو ارفديه معايااا
سبأ سيات تنوضو والو ... دارت للعليلو تعيط : علوووش اطلققق صاحبك باش يموت
سمع كلامها تخطف ناض راح ليها سندو عليه و زاد جا حامد و رفدوه يجرو لدارو و العجوزة تجري و معاهم سبأ و دموعهاا شلال حاسة بالذنب و والديه في هاديك اللحظة وصلو جاو يجرو و يمااه تعيط وجها صفر : وراهو وليدي وراهه يا يماا توخدت في وليدي
و الناس كااامل توقب و القيل و القال كتررر و بدات الهدرة تتالف و تخرج على حكاية سبأ آصف و عمار المرخس (بففف نكرهوو واش داني كامل ندخلو للكرونيك😒😒 بلبزهاا كامل 😂😂😂)
زربو حطوه على الفراش و العجوزة تعيط على سبأ : ياا بنتي اجري جيبي ما حامي (دافي مليح) مع منشفات و العدة تاعي وصي الطفلة جيبها
و سبأ نحات صباطها و راجت تجري عمرت ما سخون و جابت المناشف ووصات الطفلة جيب العدة
جابتهم و بقات تسنى فالعدة و تسمع في يمااات تندب برااا و باباه يعيط و يهدد و عليلو حاكمهم باش مايدخلوش
جابتلها العدة و حطتهاا و بقات تشوف
نحاتلو العجوزة فيستو و شوميز قطعتها جيهة الكتف و بدات تشمخ فالجرح و تحبس فالنزيف بالمناشف و سبأ تعاون فيها و تبكيي و العجوزة تسكت فيها و تخدم : يا بنتي اتقي الله و خليني نخدم
و سبأ شدت فمها تبكيي و كاتمة شهقاتها... قلبها واجعها عليه... شوفتو و هو طايح هكدا قسمتلها قلبها... دايما واقف و هيبتو عالية... غرور طاغي... حاسة بالذنب هادا كلو من جرتهااا...
بعدت على العجوزة مش قادرة تشوف فيها تخدم فالجرح و خاصة في جسمو
بصح جات تبعد حست بيه شاد يدهاا و ينين... تفكرت بلي مكاش المخدر يعني العملية تصرا و هو فايق (اححح مسكين غاضني😢😭😭)
