حلقة 109
شدها من حزامها و رجعها للبونك و هو رافد خشمو للفوق موش راضي يحكي و لا يعبرها
سبأ قبل مايبعد شدتلو يدو : كاصف علاش زعفان مني واش درت تاني
غزرلها تاع تتمسخري بيا : والو
سبأ : ماديرليش هكدا ياك صاحبك لي حكيت معاه عادي خويا
قاطعها بصوت هادي و هو يحاول يكتم غضبو و يدو فوق صدرها : خوك كي ترضعو حليب واحد فهمتي بصح هو ماشي خوك كيما انا مانيش خوككك (اعطيك الصحة تعجبني 😂😂😂 بردلكم قلبكم 😂😂 هاني سكت 😒😒)
و هي سكتت و بقات تتوجع من يدو لي ينقر بيها على صدرها ... بصح موش راضية تخليه زعفان منها ... زربت عنقاتو و دورت يديها على خصرو : ماتزعفش تعيش
تبسم بينو و بين روحو على دلالها هو اصلا مايقدرش يزعف منها هو غاير عليها و هادا لي مزال ماهيش تستوعب فيه ... دور يديه و تنهد من عروش قلبو ... و هي تبسمت (المرا شيطانة 😈😈) ... بقاو ساكتين مدة حتى هو نطق : سبأ مزالنا مزوجين غير كيما ... يعني مالاناش يومين شوفي شي كامل لي صرانا ... انا شخصيا مانيش قادر نتحمل خلايع و لا مضاربات كتر ... خلينا نكون عرسان جدد نفرحو ببعضانا بلا ما نحوسوا على حد آخر اوكي يا روحي و باسلها شعرها بوسة طويلة و هي زادت كبشت فيه كتر و باستو من كرشو (هاداك وين راهي لاحقة 😂😂😂) : عارفة و سامحني مكانش قصدي نغضبك و لا نخليك تزعف و عندك الحق من حقنا نفرحو و من حقك انو مرتك طيعك بصح دوك يعني
آصف حكملها وجها بين يديه و هو يخزرلها حواجبو مقطوبين : خير واش كاين يا روحي بيك حاجة توجع فيك حاجة ؟؟؟
هبطت راسها و شبكت يديها : اممم يعني جعت
آصف طلق ضحكة طويلة : ههههه مرتي جيعانة و حشمت تقولي معليش دوك نطيب لمرتي
طلعت راسها فجأة و هي تخزرلو مدهوشة : تعرف طيب
قربلها آصف لحد وجهها و هو يتبسم تبسيمة النص تاع الغرور : ههممم معاك آصف الكياني و لا ناسية يا مدام الكياني خلي نوريك مهارات راجلك و قرصها من ودنها و ماحست غير بيديه تحت ركايبها و تحت ظهرها و هو رافدها للكوزينة و هي تضحك من قلبها و تخزرلو ... هادا راجلها حقها ... يعني حلالها ... حد مايسال فيه ... من غيرها هي ... حد مالو الحق يتفشش عليه غيرها هيا ... و الاهم حد مالو الحق يحبو و يعشقو و يتنفسوااا غيرهاا هي ... لانو هو تاعها و تاعها وحدها ... بصح يا درى اذا الفرحة و الحب تكمل ... قلبها ماهوش مطمنها ... اصلا عارفة و متاكدة انو باش يجي لي يفسد بصح تسنى تعرف شكون برك
.......................................
