حلقة 92
جبد روحو عليها غير كي حس بلي راح ينقطع النفس ... حس روحو طاير و النشوة مسيطرة عليه ... شفايفها طعم سبيسيال ... و حد مامسهم قبل ... كان اول واحد و راح يكون آخر واحد ... بقى يشوف في تعابير وجهو و يديها المغروسين في صدرو و مطبوعين عليه ... بدات تحل في عينيها بلعقل غير بالشوية ... قابلها يغزرلها و عاض شفتو بإغراء و يكيل بعينيه ... وجها احمر دم ... و شفايفها زادة و منفخين ... عينيها ذابلين ... موش عارفة واش تعمل ... بقات ساكتة و راسها مهبط .. و بدات تتفكر في كلام امها و توصياتها ...
#فلاش_باك.
الليلة قبل العرس ...حاطتلها راسها على حجرها و تلعبلها بشعرها و توصي فيها : عندك يطلبك في حقو و ترفضيلو نتي مرتو و من حقو يحط بصمتو عليك
سبأ : بصح يامي مانيش متاكدة اذا يحبني كيفاش نسلملو روحي و بزيادة واش يضمنلي مايطلقنيش
تبسمت خدوج و كملت تمسحلها : لالا يا بنتي انا اكبر منك و خبرتي فالحياة اكتر ... عينيه تصرفاتو كلش يدل انو يفنى فيك تعرفي يا بنتي انتي غيرتيه ... خليتيه حنين و راضخ ... خليتيه يحب ناس البدو ... يبدل فكرتو علينا و يرجع منا و فينا ... و زايدة تقولي مايحبنيش ... اذا موش عارفة راني فايقة بكل شي بينكم بصح الشي الوحيد لي منعني اني ندخل و نهدر انو شفت صدق مشاعرو و نية افعالو و اذا مش مصدقة كلامي سقسيه و تاكدي و اذا طلع كلامي غالط هاني مانتسماش خدوج مرت حامد
و سبأ سرحت زعما صح ... حتى مش مرة مش زوج تشك في هاد الكلام
#العودة_الى_الحاضر.
طلعت راسها تخزرلو و هو شافلها بحنية و تبسم : واش حابة تسقسي
و سبأ حشمت و مش عارفة منين تبدا : انت تتعرف انو حنا بدايتنا مكانتش بلكل مليحة كنا حتى مانطيقوش بعضنا
آصف بدا يتفكر و ضحك : ههههه كاينة منها .... و هادا كامل و هوما مزال في وسط البونك على ركايبهم و هو يديه محاوطين حزامها و يديها محطوطين على صدرو العريان (هاني وصفتلكم باش تفهموا يا الحابسين 😒😒 ) ...
سبأ ضحكت و كملت تحكي و راسها مهبط : هههه هيه و منبعد بديت انا نتعرف على علوش و توطدت علاقتنا يعني ولا اقربلي منك حست بيه كي زيرلها على حزامها : ايه جوزينا هاد لابارتي و هو يقحر
طلعت خزرتلو بلعت ريقها و كملت تحكي و هي تلعب بصوابعها فوق صدرو بتوتر : يعني منبعد نتا هنيتني من هاد و قبل ما تكمل زاد قاطعها صوتو الخشين المشحون بالغضب : ايه مدابيك زيدي جوزي هادي
