حلقة 179
حسها ساكتة فوق اللازم .. رما عينو ليها لقاها ديجا رقدت .. باسلها شعرها رفدها في حضنو و ناض .. حس بيها رعشت .. زاد زير عليها و غطاها بالجيلي تاعو و غلقو عليها .. دخل بيها للطونوبيل و شعل الشوفاج مع انو هو مايحملش و الصيف و السخانة بصح علجالها يتحمل 😍😍 .. راهي في فترة صعيبة و تغيرات جسمها و هرموناتها يعدبوها .. (ربي يحفظنا امهاتنا عاناو باش جابونا 😓😓) ... لحق للوبيتال .. هبط رفدها و دخلها حطها على فراشها غطاها ملييح و تكى قدامها يشبع بيها و بريحتها ..
......................................................................................
ناضت الصباح تتململ على حس ناس يحكيواا بلعقل .. حلت عينيها تخزر لقاتهم نوال و آسيا و خدوج ... بقاو عينيها يحوسوا عليه .. قلبها وجعها وراهوو ?? .. كانو يماها حست عليها ماهي بنت كرشها و تفهمها على الرمش .. حطت يدها على فخضها و هي تتبسملها : صباح الخير يا روحي نشالله لاباس و لا على آصف خرج مع حامد و علي
عقدت حواجبها و عدلت قعدتها : وين يا ما ??
خدوج تبسمتلها : لعند الراقي و لا ناسية??
غمضت عينيها و عصرتهم .. نسات الحكاية تماما .. كان عيان البارح و مع مشكلة يماه زادتو بهبالها و مخرجاتو على2:00 تاع الصباح و موش عارفة اصلا وقتاش رجعوا .. حكمتها غصة .. كانت حابة تكون معاه كيما كان هو معاها في اصغر تفاصيل مرضها و علاجها .. فيقها من سرحتها صوت الباب كي تحل و الممرضة دخلتلها الماكلة باش تزرب تاكل و تروح تكمل العلاج اليوم فات اسبوع على بدايتو ..
وصلوا لعند الحاج وين لقاوه يسنااا فيهم .. آصف خايف بصح موش عارف علاش .. حتى حس بيد علي لي زيرتلو على كتفو و تبسملو يطمن فيه (نعم الصديق 😚)
تستفوا كامل و الخاج خالد قال لآصف باش يقرب .. قربلو و طبس راسو شوية بحكم جاي طويل ... و الشيخ حط يدو على راسو يمسح عليه و يقرا فالقرآن .. و آصف ساكت و يسنى .. هبط من راسو ليديه يمسح عليهم و يقرا فالقرآن و نفس الشي بالنسبة لرجلييه .. حتى كمل عدا قعدتوا و بدا يفهمهم و هو يتبسم : الولد هادا ماهوش مسحوور
و تقعدت حواجبهم و ترسمت على وجوهم الحيرة : كييفااش ??
الحاج : باش نقدر نفهمكم لازمني نعرف حكايتو و كل تفصيل صرا مع مرتو يعني ادا اذاها ادا ضربها ادا حامل و لالا !!
تننهد آصف و حكالو كلش بادق التفاصيل طبعا بخروج علي و العم حامد لانو حاجة خصوصية تبقى بينو و بين الراقي
