حلقة 97
جا الصباح ... و شرقت الشمس ... و تفتحوا عينين آصف معاها ... غير بلعقل ... قابلو وجها يقتل بالبرائة ... راقدة و لا علابلها ... البارح الليلة لي عاشها كانت اسعد ليلة في حياتو ... و بالمعنى الحرفي الاسعد على الاطلاق ... حاطة راسها على صدرو و مكبشة فيه كي الصغرون في حضن امو ... قرب شفافو و باسها من خدودها و شفافها غير بلعقل ... و بقى يتامل فيها ... زبن رباني ... شفار طوال و ملويين و صفروة شوية ... حواجب مستفين صفورة ... شعرها اصفر مايل للابيض ... بيضة حليب ... يدين صغنونين و رجلين صغرونين اكتر ... كلها على بعضها تتقرمش ... حسها بدات تفيق و تعمل فالحس بفمها : امممم ... تبسم حسها بيبي ... و مشاعرو كلها تحركت مع هاديك الاممم ... حلت عينيها الكبار الخضر لي يذبحوه غير بشوية كي القطوسة و بدات تمسح عليهم بيديها ... اثارة و برائة ممزوجين في صغرونة وحدة ... طلعت راسها و غزرتلو تستوعب لي صاري ... كي شافت حالتها و حالتو حشمت و طبست راسها و غرساتو في صدرو اكتر ... و هو ضحك على طول صوتو حتى زاد حشمها : هههههه شبيها قصرونتي حشمت هااا
و سبأ تبسمت من التحت للتحت و جاوباتو بدلال : مانيش قصرونة
آصف زاد ضحك و شعل على دلالها : لالا انتي قصرونة و قصرونتي انا تاعي وحدي و البارح بصمتك و رجعتك صح قصرونتي ... يحكي و يهمسلها متقصد يحشمها و يخلي اللون الاحمر يوردلها وجها ...
و هي هاداك لي صرا معاها كي تفكرت ليلة البارح ... حمارت بكلها و رعشت بين يديه ... حتى حس بيها و ضمها ليه اكتر و رعشتها خلاتو يشعل من اول و جديد ... حط شفافو فوق ودنيها يهمس بصوت ضئيل : تعرفي بلي البارح عيشتيني احلى ليلة في حياتي
و سبأ وين تلقاوها زادت سخنت اكتر من الحشمة و زيرتلو على صدرو تهدر بصوت خافت يا دوب يتسمع : آااصف
ضحك و بدا يجبد عليها بالمرتاح : اممم خير اهه مرتي العزيزة توحشتيني
و هي زادت ذابت اصلا و ضرباتو بالشوية على صدرو و عيطت بصوتها الرقيق : آاااصف بررك
قلبها تحتو بالخف و هي خرجت منها : اهههه تاع وحدة موجوعة
و هو تخطف : سمالله عليك يا روحي سمالله سامحيني و سكت و هو يغزرلها قريب تبكي من الوجيعة و الحشمة ... حط جبينو على جبينها : وجعتك
دارتلو ايه براسها و هي مغطسة راسها كي النعامة
هبط حط شفافو على رقبتها و باسها بوسة حنينة طويلة : سامحيني يا روحي اما نتي لي بزااف بنينة ... و رفدها ديراكت للدوش في حضنو
.....................................
جام على كل حلقة
