حلقة 95
قاعد في الدار لي خلاهالو آصف و سارح ... موش عارف منين يبدالها و لا كيفاش يحكي معاها ... كان يضحك على صاحبو و ترني ماهيش ساهلة خلاص و من اصعب مايكون (قالك لي يضحك يلحق 😂😂😂 الشحح يا علوشي مووت 😒😒) ... كل مرة يسي يفتح الموضوع تصرى حاجة ... يا يقاطعوه ... يا هو يقطع فالنص ... يا يتبدل الموضوع و هي رايحة ... و لي زاد على ما بيه انو ماهومش يتلاقاو بزااف ... قليل وين يشوفها ... حتى خدمتو هملها و وكل ناس ثقة يهتمولو بيها ... لانو موش فيها خلااص ... بصح لازمو يحكي معاها خاصة مع آخر كلام سمعوا من آصف يا يقدم يا يرجع للور و يبقى حياتو كاملة يسنى
#فلاش_باك.
قاعدين مع بعضاهم فليلة عرس آصف و كل واحد وين ساهي ... 2 تاع الليل واحد ماقدر يرقد و لا يجيه نوم و لا نعاس ... خرج آصف من بيتو قابلاتو الفيروندة تاع الصالون مفتوحة و الريح يطير فالليستور ... عرفو علوش مارقدش ... حك شعرو جاب باكي ڨارو و خرج ليه ...
قعد فكرسي قدامو و رجع راسو للور و دار يخزرلو ... مغمض عينيه و يخض في رجليه بعصب ... قرصو و قالو : نوض راني فايقلك خير مامسهرك انا باين و نتا علاش و لا ضربوك جنون
حل عينيه و قحرلو عدل قعدتو و وقف روحو على الكرسي و خطفلو ڨارو مع البريكي و شعلو و يديه ترعش : عييت و مانيش عارف واش ندير يا زحح حتى نتا و باش تمشي مع مرتك
خزرلو آصف بهاد الطريقة 😒😒 : شغل جبتك و نسيتك (قصف ثماني الابعاد 😂😂😂 تستعمله الكثير من الامهات الجزائرية خاصة 😂😂😂 هاني سكت ) يا ز** نتا قاعد كي الهجالة مقابل الحيوط و كل يوم ت*** راسي بالهدرة في عوض تروح تقولهالها ليا و لا نصيحة تطبق غير عليا
علوش ضحك من كلامو : ههههه اسكت برك مكونتش عارفها ساهلة غير خلي البير بغطاها
ربع يديه آصف و زبطلو وجهو : دير في بالك حاجة ادا نتا ماجريتش على روحك واحد ماراح يجيرلك على روحك في بلاصتك حاجتك تديه بيدك و لا يخطفوهالك بين عينيك و ماتقدر تدير والو و تفكر كلامي مليح باسكو يجيك النهار تندم و الندامة تجيك فاللخر
و نفخ سيڨارو لي ولا يستهلكو بزااف و بكثرة هاد الايام الاخيرة ( علابالي روماركيتو 😂😂😂 مشهد مغري الى ابعد الحدود 😂😂 هاني سكت 😒😒) فاق من سرحتو و رجع لارض الحاضر و قلبو واجعو لوكان مايديرش خطوة راح طير من بين يديه بصح هو وحدو مايقدرش يقنعها و لا يحكي معاها الاز خلي يستعين بالقوات العليا 😂
