حلقة 138
بدا يحل في عويناتو و يكسل في رجيلاتو بصح لقى روحو مكبل ... و هو مغمض عينيه ضحك ... عرفهااا قرنيطتو لاسقة فيه ... دار لجيهتها و لقاها لافاتو من كل جيهة ... رجليه بين رجليها ... يدو تحت جسمها و راسهااا فوق صدرو و يديهااا محاوطين كرشو ... باسلهاا شعرهااا بلعقل و هو يستنشق ريحتو لي تعشق ... حط يدو على ظهرها العريان و بدا يمشيي فيه و يجيب غير بالشوية ... حسها بدات تتململ و دير فلي ڤريماس تاع دراري صغار بوجها و تعاود تغطس راسهاا في صدرو باش تكمل ترقد ... زاد خشن لعبو و يدو ولات من رقبتهاا لاخر ظهرها
سمعها تمتم بين شواربها : هااا ما خليني نكمل نعاسي
خرجت من ضحكة قوية حتى نوال حلت عينيها : هههههه خصك ادا انا يماااك
و نوال مع فاقت شدت غير يماك ... طلعت راسهااا و حاجبها و بقات تغزرلو بعينين ناعسين ذابلين : واشبيهاا يمااا غير الخير
علوش زاد حكمو الضحك على بهامتها : هههههه نتي انورمال ساعات نحسك بنت 10 سنين
قحرتلو و عدلت و هي تهز في كتافها العريانين : مراا و نص و خمسة و عشرين ... عشرة في عينيك و عينين الحسادين
هادا كامل و راهي ناسية ليلة البارح و ناسية تماما بلي راهي عريانة
و علوش تبسم تبسيمة نص و مليانة خبث و قربلها و باس كتفهاا العريان : امم في هادي غلبتيني بصح غالطة في حاجة وحدة
نوال حشمت هبطت راسهااا و زرزحت روحها مع الفراش تغطي في وجها
نحالها الغطا على وجها و حصرها بين يديه يحكي و يهمس بصوت حنين : البارح برك رجعتي مرا نوال علي الشيخ تاعي انا وحدي ماتقدريش تعرفييي واش فرحتيني البارح
نوال تبسمت و مزال مهبطة عينيهااا و وجها احمرر بصح كلامو خلاها في نشوة سبيسيال و خاصة بزاااف
كي شافهاا سكتت فهمها حشمت و هو حشمتهاا تشيخو و تجيه على ڤوسطو و يحب يزيييد يشيخ علييهاا كتر و كتر
هبط لرقبتهاا و هي طلعت راسها لا اراديااا ... و بقى يشم فيييها و في ريحتها. هو يهمس : واش تقولي لوكان نديروا فيهاا دوش كيف كيف
نوال حست جسمهاا كامل رعش و السخانة طلعتلها من هدرتو ... حطت يدها على صدرو تبعد فيه شوية عليهااا : احم احم اهه لالا ممعليشش دووش ووحدكك
علوش ضحك و مزال في رقبتها حتى دغددغهاا نفسو لي خرج : ههههه حشامة تاعي معليش ... و ناض و لبس بوكسوور تاعو و دخل للسالدوبان عمر البينوار دارلو جال دوش الله الله مع شوية ورق تاع الورد
و عاوج ولا ليهاا و غفلهاا و رفدها و هي تضحك و حاشمة منو و هو عادي و لا علابالو شايخخخ في راسو للخر 😂
