حلقة 28
كملو غرسو اول امل ... اول زريعة للعام ... كملت نفضت جبتها و عاودت عصمت راسها و دارت ماشية ....
وقف على رجليه عدل سروالو و دارلها : عاداتكم غريبة كيما نتي
دارتلو بهادوك العينين الخضر الحادين : ههههه في هذا انا لي من حقي نڨولك زادة انت غريب لا لبستك لا عقليتك ماكش تاعنا... قاطعها قبل ماتكمل : حتى لهجتكمم
قربتلو ربعت يديها تقحر بعينيها : على حسب مانظن دزاير 48 ولاية و شرق غرب و شمال و جنوب و لهجة الفوق مش كيفها لهجة التحت و لا عمرك قريت تاريخ بلادك يا متعلم
آصف بقى يشوف فيها : لسانك اطول منك ببزاف و لازملو قصة على كل كلمة تعملي قصة ماتعرفيش جاوبي قد السؤال
سبأ : كي تعرف تسال كيف الناس ... اللهجة تتبع ناسها ... انت عندك لهجتك العاصمية و انا لهجتي البدوية و جيتك غريبة زيادة لانك عمرك لادرت في راسك باش تزور البدويين الجاهلين لي نظرتك ليهم ماتفوتش الاشمئزاز يا ولد المدينة عارفاتك قاعد على ڨلبك و فوق نيفك بصح شهر و ينقضى و اشفى اذا ماعدتش تموت فالبدو و ناسو
آصف بقى يسمع و ساكت حتى كملت آخر حرف .... و منبعد طلق ضحكة طويلة : هههههه حمد لله كاين واحد فاهمني لوكان مش شرطك رجلي ماتعفسش دشرتكم القحط
سبأ بدات تتقلق منو و من اجوبتو المستفزة : و مذابيك والديا تبعدهم .... و اذا هانت عليك محبة ناس طيبين كيفهمم مكالاه تتزيف معاهم .... نعرفك ممثل كبير عاد
تبدل وجهو في لحظة و قربلها و وجهو مزبوط : واحد والديك لي هوما لي جاريين ورايااا و طامعين فيا ... زوج ماشي جاهلة قد صبعي تعلمني واش ندير ... و ثلاثة انتبهي للنبرة صوتك ماتنسايش شكونك و انا شكوني .... يحكيي و يعيط عليهاا قريب يدخل وجهها ...
عينيها لمعو .... مش لمعة تحدي و لا لمعة صغرونة تحب تبكي ... لمعة وحدة وجعوها كلماتو .... هي قوية بصح نقطة ضعفها والديها .... ماهتمتش للهدرتو كاملل ..... قاسها بزاف كلامو على والديها ... بالنسبة ليها هوما النفس .... هوما الهواء لي عايشة عليه .... هاذي ثاني مرة يهينهمم في وجودهااا .... سكتتت و طرطقت و عينيها الخضر رجعو حمر يقطرو دموع ووجع و جرح ينزف من الاعماق و صوتها عالي طاغية بحة البكا و القهرة : عندكك يااا طبقيييي عندككك يااااا طمااععع كلش الا والديي ..... اذا عطاوكك وجه مش معناهاا طامعين في دراهمم خمااج كيفكك .... طيبة القلب و صفاه حوايجح مايعرفوهمش ناس كيفكم يا مخلوع دراهم
