حلقة 57
و سبأ بدات تضحك : ههههههه علوش 😂😂
و آصف يغزرلهم و يقحر و هوما و لا علابالهم
و فجأة تفكر حاجة و دار لعلي يسقسي فيه : حقاا عليلو ماشي شغل شفت آسيا و عابد هنا و لا كنت نتخيل
علي و هو مش حاب يردلو باش مايكملش عليه : وي جااو بصح بعدما ماطمنو عليك راحو
آصف عوج فمو تاعو فايق : وقتاش راحو
علي حك شعرو بتوتر : احم البارح مور مارقدت
و آصف وجهو تقلب كامل ولا يخلع (افف الله لاتربح لي كان السبة وجوخ البق 😒😒لوكان درتو يتيم ماشي خيير 😂😂😂) : هههه زعمة حاجة جديدة اقلب عليا الموضوع
و سبأ تسمع و خانسة و ساكتة .... نساتهم كامل البارح ... بالها كان كامل عندو لحد امو مانتبهتش انو والديه ماهتموش و عند اول فرصة سنحت هربوا هااا و الله لانعم الوالدين
سكتوا كامل مرة وحدة
و آصف نطق : ياخو حاب ندوش
عليلو : امم ماشي مشكل ارواح انا نعاونك
و سبأ تسمع و حشمااانة ناضت غير بلعقل و خرجت سرسبت 😂😂😂(هههه علاش بقات فيها قعدة ياا بنتي اعطي الريح لرجليك و مادوريش موراااك 😂😂😂نصيحة مني 😁)
و عليلو دار يسقسي سبأ على اذا نورمال يدوش و هو مجروح مالقى والو (😂😂😂 لقى الشعر)
دار يخزر لآصف و هو مستغرب : وين راحت الطفلة ماشي كانت هنا
آصف غزرلو تاع منك بالصح😒😒(نموت على هاد الايموجي 😒😒 مانعرف اذا قتلكم بصح فالاعادة افادة 😂😂) : يا حمار يا بغل يا جحش
و عليلو تم وين فهم بلي حشمت .... بدا يضحك : ههههه دايما ننسى بلي الطفلة بنت البدو و حشامة والفت الوجوخ المطلسة لي عندنا 😏😏
دخلو للسادوبان و عاونو يدوش غير بلعقل و حمد لله ماتحلش الجرح عاودلو بوسمون جديد و خلاه في بيتو و خرج يحوس على سبأ... لقاها فالكوزينة طيب و تعجن
دخل ليها بلعقل و هو ناوي يخلعها... يسمع فيها زاهية تغني و يا دلالي و يخلعهااا : بوووهه
و تسوطي و تحرق يدها من الخلعة : ااااععععع
و عليلو تخلع كتر منها (جا يخلعها خلع روحو 😂😂😂)
قربلها زربة و هي توحوح و تنفس علي الحريقة حمد لله ماشي حاجة كبيرة ... حطلها يدهاا تحت العين هي تبكي و تعض في شفتهااا من الوجيعة
و هو بهدي فيها و قلبو خارج من الخوف عليها (غاضني مسكين 😢😢 )
راح بجري جاب بومادة و آصف يعيط ملهيه يحب يفهم (تاكل راسك نشالله شح موت بغصتك 😏😏😂)
دارلها بومادة و بوسمون و هو يطلب السماح : سمحيلي و الله جيت نخلعك عادي
سبأ ضحكت و هي تمسح في دموعها : هههه عادي علوش
