حلقة 175
قعدوا فالجاردان و آسيا سارحة لهييه ... دارت على غفلة تخزر لخدوج كانو تسال فيها ...و خدوج تبسمتلها فاهمة لي يدور في راسها : حابة تعرفي كيفاش ولا قريبلي هكدا ??
طاحوا دموعها و حركت راسها بإيه
خدوج ربعت يديها و هي تتفكر اول ياماتو معاهم حتى آخرهم ... تنهدتو دارتلها تحكي : آصف موش بالساهل رجع هكدا ... في اول طريق كان كيما نتي بالضبط يعني كيف كانت معامتلك كانت معاملتو ... بارد يعفس على غيرو و يحقر لي اقل منو و خلي ... و حنا عمرنا غاضتنا منو و لا خدينا بخاطرنا منو زادة ... عارفينو وليد العاصمة و عقليتو هكدا ... حتى جا نهار لي عرفت بلي عقدتو انو ماعاشش حنان العايلة ... ماعاشش و ماحسش وشنو انك تعيشي وسط ناسها و دفاها ... و انا حامد تم وين فهمنا علاش لاف على روحو و مايخالط حد ... بلعقل بلعقل بدينا نجبدوه ... و لا نقول بلعقل بلعقل سبأ جبداتو .. ولا يحب يعاشرنا و ياكل ماكلتنا ... بلعقل بلعقل ولا يناديلي امي و يقعد معايا و يجي يزورني ... بلعقل بلعقل ولا منا و فينا حتى ولا نسيبنا ...
آسيا تسمع و تبكي و قلبها يحرق فيها على الصيد لي ضيعاتو ... بصح كلام خدوج خلاها تريح شوية يعني كاين امل و تقدر ترجع وليدها لحضنها و تشبع بريحتو
فاقت على يدين خدوج لي تحطوا على يدها : شوفي يا مدام
قاطعتها : آسيا يا خدوج آسيا هديك زمان مدام و مافادتني في شي
تبسمت خدوج و زيرتلها على يديها كتر : شوفي يا آسيا الحاجة لي لازمك ماتنسايهاش هي انك تصبري شي مايجي بالساهل ولدك مجرووح و بالزيادة لازمك تروحيلي غير بلعقل و عمرك لا تيأسي لانو عارفاتو باش يصدك بصح لازمك تتحملي باش ترجعيه
آسيا زيرتلها على يدها كانو تطلب فالدعم : و نتي يا خدوج ماتخلينيش وحدي تعاونيني
خدوج : على عيني و راسي مدامني باقية هنا نعاونك و نشالله يرجعلك لحضنك اليوم قبل غدوة برك اصبري علييه و شدي روحك
................................................
راح يجري موراه يشد فيه ... لحق عليه باش يقلع ... حبسواا و طبعواا من بلاصو الشوفور خاف عليه لاكاشما يصرالو ... دعس البنزين و قلع يجريي ...
بقاااو ساكتين مدة و آصف سارح لبعييد و يخمم ... جرحوا عاود تحل من اول و جديد ... رجعوها هاد الوقت و طلبانها السماح منهم ... خلاها داخل في حيط ... بصح للاسف دايما رافضها ... دايما شايفها منافقة ... دايما
شايفها تجري مور الدراهم ... و الاهم انو ماتصلحش ام
