حلقة 128
غيير سمعااتو واش،قاللل عاودت خرجت و هي تعيط و تنقز : اععععععع صححح علوش صححح باش نسافروا برااا اععع
و علوش دار مخلوع من عيطتها ... كي شافها هكاك مع هاديييك الشقة لي غير زايدة تطلع ... نوال حست بيه ساكت ... غير شافت عينيه الزايغة في كامل جسمهاا ... بدات ترجع للور و اوببب هربتتت و غلقت الباب في وجهو ... و علوش مسح على وجهو و بدااا يضحك : ههههه حاكمك حاكمك يا نوالل
و راح جبد حوايجو و راح للسالدوبان التاني يدوش
....... كملت وجدت روحها و لبست روبة للتحت الركبة بشوية مزيرة على صدرها و منبعد تنطلق عند الخصر. جاية fe Noir ... شدت شعرها كودوشوفال و شوية غيسيل و غوج غوز كلار مع طالون اكحل( نوال ماشي كيما سبأ يعني في لبستها متحررة عليها باسكو والديها مخليينها) ... وجدت الفاليزا و راحت طل على علوش لقاتو يلبس في سروالو عاودت دارت هاربة و علوش يغلق في سروالو و بضحك عليها : يامااات و تتنحالك الحشمة و اشفاي يا مدام نوال 😂😂😂(سوفاج على كاصف 😂😂🤔)
شوية هكا و سمعت بابها تحل و دخل علوش ... اممم داك البارفان و دييك الحطة و ديك الوقفة 😳😳 ... حتى هي تعڤنت ... و بقات تبقبق فيه بعينيها و دايبة فيه فاقت على وجهو لي تقلب خطرة وحدة و صوتو لي محشرج بالغصب: واش هاد اللبسة و لالا زايدة الطالون
نوال حشمت هي حبت تلبس بالطبع باش تبان و تليق بمدام نوال علي **** ... بدات تفرك يديها و مهبطة راسها و تحكي : اممم ببصح اانااا قللت ددوك تففرحح لاانوو اانااا مرتك و لااازمم ننشرفففك (نوال شخصيتها شوية مهزوزة عكس سبأ يا جبل مايهزك ريح)
نفخ علوش و هبط عند ركايبها و شدلها يديها و باسهم و تبسملهاا يحكي بصوت حنين عالخالص : نوال انا نهار حبيتك حبيتك لروحك قلتهالك قبل ... و زاد باسلها يديها : عجبتيني باسكو مختلفة عليهم و ماشي،كيما هوماا و زيادة نتي مرتي و نغيير عليك و مانحب حتى غزرة عيانة و لا واحد يبقى يشوفلك نحيلو عينيه فهمتي
و هي دوبهاا كلامو ... خلاهااا تروح لبعيد ... خلاها تزيد تعشق فيه اكتر ... خلاها كل مرة تحمد ربي الف حمدة لي جا قي طريقهاا و ربي لاقاها بيه ... ماحست غير بشواربو الحنان على جبينها : دوك روحي بدلي و البسي حاجة طويلة
نوال غزرتلو بعشق : حاضر
و راحت لفاليزتها جبدت وحدة طويلة و اونفورم حمرا بوردو مع صندالة بطالون صغير كحلة و بوشات كحلة و خرجت ... مع انو بسيطة بصح تهبل 😍😍
