حلقة 55
مسحت دموعها و نظرة عينها حادة و قوية مخلطة بالانكسار ...
تبسمت لعلوش و راحت للكوانة و قعدت... بقات هكاك حتى غفات...
تحس في يد تزعزع فيها... بدات تفتح عينيها بلعقل قابلها علوش يتبسم : اياا نوامة نوضي ام راحو
حلت عينيها مليح تكسلت... و علوش يتبع في كل حركة صغرونة تعملها و قلبو واجعو 😢😢 ... راحت غسلت وجها مالمكياج نشفاتو و خرجت البرا و هي مزالت بالعباية
ضربت طلة لقات الحالة احح مكاش كامل راحو و حامد فالصالون غير شافتو راحت تجري ليها و تعنكشت فيه معنقاتو ... و هو عنقها و باسلها راسهاا : لاباس يا بنتي ياك خلاص زال الخطر
و هي بعدت وجها من حضنو و غزرتلو و عينيها الخضر الواسعين مغرغرين بالدموع : بصح بسبتي يا بابا تعرف بلي تانيب الضمير قاتلني و مانرتاح غير ما يعاود يوقف على رجليه
تبسملها بمعزة و فخر ربى و لقى : عارف يا بنتي عارف انا باش نروح مطمن امك و نتي هاكي هنا و علي معاك كاشما تحتاجي و باسلها جبينها و خرج
دارت تجري راحت لبيتو لقاتو ينين و يعرق... راحت تجريي تمس في جبينو و تحط في حناكها على جبينو باش تتحسس السخانة (حنا ماما ديرناا هكا ملي كنا صغار 😍😍 ربي يخليلهالي) لقاتو يغلي جرات جابت ما مجمد بلي ڨلاسون و منشفة و دخلت راحت للجيهة الاخرى و طلعت فوق البونك و شمخت المنشفة و حطتهالو على جبينو و هو مع حطتها رعش و ولى ينين اكتر من برودة الماء ... و هي ديرلو و تعاود بقات هكاك حتى الاربعة تاع الصباح و علوش كل ساعة يجي يشقر عليها و على آصف
حتى تهنات عليه هبطتلو السخانة عاودت حطت حناكها على جبينو باش تتاكد و حمد لله مكاش حمة... و مع جات تبعد لقاتو حاكملها يدها و مزير عليها ... شافت في وجهو لقاتو شبه واعي و يغزرلها... حشمت مع انو عارفة بلي مش واعي 100% ... دورت وجها و بقات شادتلو يدو و تكسلت و راحت فالنوم و عينها داتها من العيا
........................................
دخل على 9 تاع الصباح باش يطمن عليهم .... غير دخل قابلوه راقدين في سرير واحد بثح متباعدين بصح يديهم مشبوكين
تقلب وجهو من لي تشوف فيه عينيه... كل مايسي يبعد و يهرب جيه حاجة ترجعو للصفر و تقتلو و توجعلو قلبو اكتر
خبط الباب تاع بيت لي راهم فيها و خرج راح لسالدوبان
فاقت مخلوعة على صوت خبطة الباب... دورت عينيها على البيت ماكان حد سمات بسم الله و ناضت بعدما بعدت يدها من يدو
غسلت وجها و بدلت حوايجها
