حلقة 69
اليوم بالذات هو يوم النتائج ... راح يكونو على الساعة 7 ليلا ... و لي باش يشوف النتائج علوش
ناضت الصباح على 5 و هي طبع فالخميرة لي راقدة معاها ... ملي طلقت و هي تتفشش ... نوضتها راحو خدمو الشغل كيما كل يوم و موراها خرجو يكملو التروسو تاع عرسها .... و نوال كيما كل مرة بتبهدايلها .... بصح باش تنسيها .. لانو عارفة بلي سبأ خايفة من النتيجة ... و عارفتها تكابر زادة و تقول بلي متوحشتش آصف .... و ماهيش تحوس عليها و عادي بالنسبة ليها مايهمهاش يحضر ... و هي العكس تماما و قلبها و تصرفاتها ياكدوا هاد الشي ... و بلا حتى مايعرف حد تفاهمت البارح فالليل مع علوش و سقساتو على آصف اذا باش يلحق عليهم قالهم ماعلاباليش انا و ماقالي والو
رجعو عشية و سبأ نهار كاملة بالتوتر .... كامل لاحظو عليها هاد الشي ... حتى تغيس بزاف تهدري معاها ماتردش ... كسرت شحال من حاجة بدون وعي و لا قصد ...
عاذرينها و عارفينها خايفة ...
لحق العشا تلمو كامل حتى فالصالون ... و ترفد و تحط و ترجع و ماهيش اصلا هنا
قعدت تقلب فالماكلة ... بقاو يسناو فالسبعة بالريق الناشف بقات بالضبط 10 دقايق ... دق الباب ... و هي فطنت من شرودها و قلبها دق ...و عينيها لمعو .... حتى خدوج و حامد و نوال فاقولها .... لوهلة دارتو آصف ... ناض علوش يحل ...و لقاه هو آصف بشحمو و لحمو ... قرب ليه عنقو و البسمة مالية وجهو : مرحبااا انا قلت ماكش جاي
زير عليه آصف و ضحك : هههه خسارة عليك و نقدر نراطي وراهم الجماعة و عينيه تحوس عليها حتى علوش فاقلو حمحم و هدر : احم احم قول وراهي خطيبتي و شد عينيك علينا 😂😂😂
آصف خزرلو هكا 😒😒😒 : قود عليا منا ياخي ز***
و دخل و قابلوه كامل قاعدين غير شافتو خدوج ناضت تجري تعنق فيه و تبوس : هكا يا وليدي تروح لاتيليفون لاتسقسي
عنقها و باسلها جبينها : حقك عليا يا خدوج و هو يغزر لسبأ كانو راهو يقللها زادة حقك عليا
سلم عليهم كامل و سواسوا على 7:00 تفكر عليلو .... سكتهم كامل و دخل للموقع و دخل الكود و بقى يسنى ... بما انو كاين ازدحام ... اوببب لحقت النتيجة و علوش قفز معاها ...
راح يجري ليها : جبتيه ياااا بدوية جبتييه و خدوج قلعت تزغرتتت و سبأ تبكي من الفرحة خاصة كي زادت عرفت بلي بمعدل 17:80
ماعداه هو غفلهم كامل و راح ليها وين قاعدة ثنى ركايبو و قابلها و حط شفافو على جبينها و هو يهمس : مبروك يا قصرونتي البدوية 😍😍
.........
عسولاتي ياك علابالكم نحط نهار بنهار اوكي باش ماتبقاوش تسناو
كومنتار فالريبوند
