حلقة 67
حكاو في كلش و مكاش موضوع منجبدش ... و نوال كل حاجة كل تفصيلة تحكيها سبأ على آصف و تصرفاتو ... تبينلها بلي فكرت فيه صحيح ... كاين استنتاج واحظ لاغير ... بصح خلي الايام هي لي تكشف هاد الشي ....
ضربت طلة على الوقت لقاتها ديجا 6:00 و لازم عليها ترجع للدار ....
ناضت و هي ترفد في شعرها و تسڨم فيه و خارجة : اسمعي انا لازم نرجع للدار اكي تعرفي ما يجن جنونها منين نطول عليها
سبأ : ههههه سلميلي عليها ياسر و اسمعي من غدوة نسحقك هنا و لا انا نجي نتفاهم مع خالتي خيرة باش تكملي تباتي عندي حتى نتزوج
نوال كي سمعتها هدرت على الزواح قلبها وجعها : باش نزيد نبقى وحدي زادة نتي باش تتزوجي و عينيها دمعوا .... ماشي حابة تخسر صحبتها و اختها و رفيقة عمرها .... حتى انو زادو بالتقريب نهار واحد .... بيناتهم نهار واحد و بس .... مع انو مكان اي شبه بيناتهم وحدة شقرا(سبأ،) و لوخرى زين عربي (نوال شوفو تصويرة )
قربت ليها سبأ و عنقتها : هههه ديجاا بديتي اسناي نروح لدار راجلي و منبعد اندبي و نوحي على راسك
و نوال بدات تضحك : هههههه كلبة راني نشوف بلي والفتيه هادا راجلك
سبأ وقفت لحظة غايسة .... كانو حبس الزمن باش
تستوعب هدرتها .... ايه صح والفاتو ... و هاد الكلمة قالتها شغل حاجة اقل من عادية .... بدا قلبها يخبط دقتين فالدقة (ميول)
و ماحست غير بخبطة على راسها : اييييي يا الحمارة
نوال ضيقت عينيها : وين كنتي غايسة من كلمة راجلي رحت لسابع سما
و سبأ تبسمتلها : والو جاتني غريبة هذا مكان
نوال : امم (قيييو فقنالك يا الكدابة 😒😒😒 صحتلك آصف و تشرطي يا وجه المزيرية 😑😑 هاني سكت 😂😂😂)
و خرجوا من البيت و سبأ وصلتها حتى للباب و كي جاتو تحل لقات علوش عند الباب (صدفة الباب مكاش وحدة مصراتلهاش خاصة كي يتخابطو ريسان تاع زوج عيباد مع سرعة هائلة 😂😂😂 جربتها حتى راسي قريب طار 😂😂😂خلل مخي عادي )
سبأ تبسمت و هي ترحب بيه : علوووش عاش من شافك
علي ضحك معاها : ههه يسلمك و الله شيبني خطيبك
تبسمت على كلمة خطيبك و عن قريب راجلها 💝( و انا عن قريب الباك 😒😒😑😑 الناس العايشة)
و نوال تشوف و ساكتة ... تعير في علي ... اممم شباب حطة واقف ... يعرف يهدر (هادي نوال قاعدة تعير و دير فالسكانار)
و سبأ فاقتلها ياما وصاتها على هاد الطبيعة قرصتها ملتحت للتحت و هي تتبسم لعلوش : شدي عينيك قريب تخليلو تقبة في نص راسو
