حلقة 177
الليل كامل بقى يدور هو و علي ... علي عرفواا مخنووق للاخير ... ضرب على الساعة لقاها 2:00 تاع الليل .. محسش على الوقت كاامل كيفاش جااز علييه ... دار على غفلة لعلي : اجرييي اجري
علي عقد حواجبو : علاه غيير الخيير
آصف نفخ بقلة صبر : خليتها وحدها حتى ماعيطتلهاش
علي طلع حاجبو حاير منو : تت*** بيا ياك الناس كامل دايرين بيها
آصف تنهد و دارلو يخزرلو : توليلك مرتك بالحمل و تفهم بزاااف حوايج نتا حابس و زدت سكتنا يرحم باباك و اجريي
علي قحرلوو و دار دعس البنزييين و قلعع يجري الطرييق فارغة ااححح مكاش ... لحقواا هبط يجري ليها ... ولات حساسة بزااف و يبعد عليها دقيقة تولي في حالة .. حتى هو مايقدرش يصبر على فراقهااا ولا دقيقة ... مايقدرش يبقى ساعات متواصلة بلا مايشوفها و لا يشم ريحة شعرها ... حل الباب بلعقل لقاها وحدها و في وضيعة الجنين ... غلق الباب بالمفتااح و قربلهاا ... طبس لوجها لقاها تبكي .. طبس اكتر على ركايبو و حط يدو على خصلات شعرهاا يمسح عليهمم و يهدن فيها : اششش يا روحيي اشش علاش البكا ... ماحس بيهاا غيير ترمااات عنقااتو بكل قوتها و تعنكشت فيه مدورة رجليها على خصرو ... خلعاتو زيرلها على خصرها ... و وقف حط روحو على السرير ...
حط شفافو فوق شحمو ودنهاا يهمس بلعقل و بصوت حنيين خلااص : شبيهاا قصرونتي شكون بكاهالي
زيرتلو على شوميزو كتر و غرست راسها في صدرو و صوت شهقاتها دبحولو قلبو : نتا السبة نتاا حكات بصوت خافت غالب عليه شهقاتها و بحة البكا ... زادت كملت على لي بيه ...
تنننهد من عرووش قلبو و حط يدو على ظهرها يعدي فيهااا من لفوق للتحت يحاول يحسسها بوجودو و بلي موش باش يخليها: سامحيني ياا روحي بصح الله غالب تخنقت و لا عمري لا نبعد علييك
خرجت راسها من تجويف عنقو و طلعت راسها تغزرلو بعينين ذابلين حمورة يدبحواا : خخفت وحديي و خفت علل..ييك
قرب شفافو لجبينها يبوس فييها و غلغل يدو في شعرهااا كانو يطلب فالسماح بهاد الطريقة
بقات ساكتة مستمعة بنبضات قلبو في مسامعها .. دفى بدنو لي لاحقها و مدفيلها جسمها ... نفسو سخون يضرب في شعرهاا (قصرونة 😂😂 يعني مايلحقش نفسو لرقبتها 😂😂) ... حتى عاودت طلعت راسها تغزرلو و تبقبق في عينيها همستلو بصوت ضعيف عاللخر : آصف
تبسم عرفها باش تطلبو في حاجة : روح آصف واش حبيتي ??
عينيها شعلواا و وساعواا من حماسها و قربت لسقت فييه كتر : اممم حابة نخرج نشم شوية هوااا
