حلقة 141
زوج عايشين قمة السعادة و زوج عايشين قمة الحزن ... الدنيا ديما تمشي هكا ... تنحيها من فمك باش تحطهاا في فم غيرك ... يوم ليك و عشرة ايام عليك ... تفرح نهارو تحزن عشرة ... هادا لي صرااا مع سبأ و آصف بصح حد مايعرف سبب ...
دخل للدار. و وجهة احمر باش يطرطق من القلق ... لوكان ماشي عشرة عمر كون راهو طردوااا من داااك العام و تهنى ... راح للسالدوبان غسل وجهو و طلع راسو يشوف في روحو فالمراية ... شاف وجه كحل يقطر سم ... شاف وجه عمرو لحق يشوفواا ... شاف مستوى تاع قسوة قادرة تتقسم على العالم اجمع ... شاف شخصية جديدة بكيان جديد ... شاف آصف الكياني المغرور زايد قاسي ... اههه غرور و قسو. زوج كلمات لوكان نجمعوهم في شخص باش تكون الحرب ... باش يكون شخص عديم الاحساس و المشاعر ... عبد يعفس بلا مايابه حتى للشي لي قاعد يعفس فيه ... و الاسوء منو انو يعفس بقلب مهني و فمو متبسم ... تبسم تبسيمة النص كانو عجبو الشي لي قاعد يشوف فيه ... كانو شاف حاجة تفرح ... او بالنسبة ليه تفرح و علاش لالا مدام قلبو رجع اقسى من الحجر ... حتى اعز وحدة على قلبو نهرها و مااهتم ... مسح وجهو و خرج شاف واش صاري تبسم و عاود خرج برا ناضت على صوت التيليفون لي قاعد يصوني ... تقلبت للجيهة لوخرى بصح والو لا حب يحبس و لا حب يعتقها لي قاعد يعيط ... ناضت مسحت على عينيها و حكت شعرها شعلت الفيوزة و رفدت التليفون ... كي شافت شكون ترسمت التبسيمة على وجها بلا ماتفيق حتى و ردت و قلبهاا فرحان : الوووو كلوبتي
نوال و هي تعيط : اعععععع حمارة تاعييي واش توحشتككك هكداا ماتسقسي ماتحوسي
سبأ ضحكت و قلبهاا وجعها (لوكان تعرفيي لي صاري في ختك باش تبكي الدم و قليل قالتها في قلبها ) : ههههه احكي على روحط لي غطستي فالعسل مازدتي بنتي
نوال ضحكت بصوت عالي : من ناحية غطست فالعسل رانيي غاطسة للنص راسي تشوف و الله معيشني اميرة و لا نقولك لالا ملكة على حاليي اععع واش نحبو واش نموت فيه و نعشقو
تحكي و الفرحة طاغية على قلبهاا ... موش عارفة بلي قاعدة تجرح في قلب وحدة قلبهااا مقسوم و مقطع لمية مورسو ... قاهد تدبح فيهاا بموس حافية و بلعقل بلعقل ... مسكينة دموعها بداا يطيحواا من كلامها متفكرة حالتهاا ... متفكرة كيفاش كانت كيفها و كيفاش طاحت بيهااا و الدنيا دارت ... رسمت تبسيمة فاهية على وجهاا و بعدت شوية تيليفون على ودنها حمحت شوية باش يتسڤم صوتها
