حلقة 119
مور ماكملو الماكلة و الفطور ... آصف راح للصالون و اتبطح فوق الفوتاي ... و سبأ كملت غسلت للماعن و راسها يخدم كيفاش تقلو ... سمات بسم الله و دخلت للصالون ... بقات واقفة عند الدخلة ... خايفاتو يتقلب ... كان متكي و حاط يديه على عينيه و مغضمهم باين يخمم و عيان ...
و هي تايهة في افكارهاا خلعها صوتو : شبيها روحي فاش تخمم
سبأ تبسمت تحاول تخبي توترها : ههه والو غير غست
آصف بعد يديه على عينيه و دار غزرلها و مزال مكسل : و علاش مزالك عند العتبة و هو عاقد حواجبو يخزرلها حسها حابة تقول حاجة ... تقعد و شرلها على حجرو باش جي تقعد : ارواحي واش كاين
و سبأ تمشي و تبلع في ريقهاا و يديها تلعب بيهم ... زاد صعبها عليها ... قربت و قعدت في حجرها و هي حاشمة و خايفة
آصف جبدهاا ليه كتر و زير عليه وجهو تزير : سبأ اذا كاين حاجة غير قولي
سبأ طلعت راسها تغزرلو و حطت يديها على وجهو : توعدني ماتزعفش و ما تتقلقش و مادير والو
آصف قلبو وجعو زادت خوفاتو : سبأ احكييي و مدام حكيت هكا معناها اسناي كلش
سبأ تنفست شهيق زفير و حطت يديها على رقبتو و زيرت عليه باش مايدير والو (زعما ماشي قادر يطيرها بصبعو يجيبها مفروشة😂😂) احم احم يما جات اليوم
آصف عقد حواجبو : و كيفاش جات و عمي حامد وينو
سبأ بلعت ريقها فهمت بلي فهم على يماها هبطت راسها : آصف يماك لي جات ماشي يمااا
حست برجليه لي تكبسواا تحتها و يديه لي تزيرت على حزامها قريب يكسرلها ضلوعها و هو موش حاس
خافت طلع راسها ... خافت تشوف وجهو كيفاش ولى ... طلعت راسها بلعقل و يا ريتها ماطلعت ... رجع يخلع ... حواجبو مقرونين مع بعضاهم و فكو مزير و تسمع في صرير سنانو لي يضربو في بعضاهم ... و عينيه حماروو دم
قبل ماتنطق زهر فيهااا بزهرة (نقولو عيط و لا زهر نفس الشي 😘 ) حست قلبهااا باش يطيح : ووقتااااش ربببببببببكككك
سبأ بصوت اقرب للهمس و هي قريب دوخ من خوفها : ققبلل ممااا ججييي ننتاااا
و ماحست غير نفضها من حجرو و حطها على الفوتاي و راح للبيت ... متحبتش تروح ريحت في بلاصتها ... وحد زوج دقايق عاودت سمعت العياط : وااااش وصيتككك اههه قتلك الدار ماتعفسيهااااش
........
عيطتيلي تتمسكني و كي محبيتش درتيي رايك اهههه معناها تحبيني ندير حوايج ميعجبووكش اهههه انطقيييي
......
زيدي حطي رجلك و قربي لداري و لا لمرتي اقسم بالله ننسى نتي شكون و ننسى الكرش لي جابتني و كوباا
