حلقة 60
رفدوا الحلوة و الورد و الخواتم في جيب آصف و توجهوا لدار سبأ .... و يماه طريق كامل و هي تشكي و تشتكي و تعيف و تافاف عليهم و آصف سكت سكت و طرطق و هو محمر عينيه فيها : نتي نهار جاو خطبوك رفدوك من زنقة المافيا الوغ بركاينااا لوكان نبداو نعيفو نبدا من فاميلتك و نتي و روح متلعبيهاش حاجة و نتي غير كي تزوجتي باش تحلو عينيك و جربيي ديري حاجة عيانة و لا جاست معيجبش نقسم برب العزة غير تدي تبهديلة و انساي وليدك كي نتي كي راجلك
يمااه خافت سكتت و خنست خطرة وحدة و دارتلو ايه براسها ... و عليلو بقى يضحك من لتحت للتحت ... وصلو و قلهم ارجعوا للور ماتشرفونيش تدخلو قبلي و هوما تم تخازروا بيناتهم و وجعهم قلبهم ... خدايمهم دارت عليهم ... حد ماقلكم ربو وليدكم هكا مايطيقكم مايحمل يشوف خليقتكم و فالاخير ماتشرفوهش اصلا .. و الله عطاهالهم فالصميم خلي يعرفوا روحهم و يحطوا شويى من روحهم
حلتلهم خدوج و ضحكة حنينة على وجها : مرحباا بوليدي مرحبا و عنقاتو و خو زادة عنقها و باسلها راسها و عليلو زاد عنقهاا و بقى يصحك معاها و آصف دار حمر عينيه في آسيا باش تسلم عليها بلا زوخ و نوخ تعها .... و آسيا راحت تجري تسلم و دور تخزر لآصف (ركبلها الرعب 😂😂 شحح وجه المزيرية شفت روحك بدراهم راجلك راني نخمم نقتلك و نهنيهم من حسك 😒😒 دايما ننسى روحي هاني سكت 😂😂)
دخلو الداخل و عابد خمس مع حامد و هو يعير و حامد و لا علابالو مرحب بيه و حاطو فوق راسو .... قعدوا كامل و بداو يهدروا و آصف و عليلو قلب و رب مع خدوج و حامد ... و آسيا و عابد حايرين بقاو مكذبين ... تقول ماهادا وليدهم ... و لا تربيتهم ... مش يعيف و هاهو يشرب من شرابهم و ياكل ماكلتهم ... مش من مقام هاد الناس بصح قاعد معاهم و شايخ ... مش يحتقرهم و ماطيقهمش بصح يعنق و يسلم على راسهم تقول تربى معاهم ... راهي باينة الفاتنة بنت البدو كانت مرأة مڨدية و فحلة و كسرت غرور آصف الكياني ... بقات مهمة وحدة برك هو يكسب قلبها ... و منظنش راح مهمة صعيبة ياسر و نفكركم 😉😉
فالوقت هاداك دخلت سبأ بالسنيوة تاع القهوة الله الله و العنين كامل ترشقت فيها ... حتى يماه و شهقت كيفاش هادي باش تكون بنت البدو ... حطتلهم السنيوة و قعدت بين يماها و باباها قعدة القاع و الباع و الخلخال المربع (😍😍 نموت في هاد المثل ) و آصف يعشق في ادق تفاصيلها و قلبو يدق فالمرة دقتين ميول كبير
😘😘😘😘😘😪😪😪😪😌
