حلقة 79
مع شفافو مسوا لحمها خلاص جسمها ترخف بشكل كبير ... و ماحست غير يديه الخشان تلفوا على جنابها و جسمو الضخم حوط جسمها بطريقة خلات اجسامهم لاسقة ... طلع راسو يخزرلها مغمضة عينيها كي القطة و مزيرة عليهم ... و جسمها مرخوف بين يديه ... جسمو كامل تحرك معاها ... حركاتها خلاو قلبو يفرح و ينقز وحدو ... لانو هو اول واحد يحط ايدو عليها ... اول واحد يكون قريب ليها لدرجة هادي ... بدا يمشي بيها و يرجع فيها للور لانو بالحق ترخفت و هو بقى يضحك و يقول في قلبو هادي غير بوسة خلي ندخلو الصحيح 😂😂😂(مسوفج ماديروش عليه 😂😂😂 و لا نقولكم ديروا عليه تفلحوا 😂😂😂 هاني سكت 😒😒) ... قعدها على الكانابي و حطلها وجها بين يديه يمسح عليهم و يهمسلها بصوت حنين باش تفطن : سبأ سبأ
و هي عينيه شبه محلولين و يتحلو غير بلعقل : اممم
آصف ضحك عليها : ههههه دوختي ديراكت بعدا
و تم فطنت على كلامو و زادت حشمت كتر
و هو كي شاف وجها هكداك قص على الضحك و قرب باسها فجبينها بوسة طويلة و شفافو مزالو فوق جبينها و هو يتمتملها في كلمات زادو على مابيها : من اليوم انتي تاعي من اليوم تسميتي على اسمي و زاد غلغل ايديه في شعرها و هي ساكتة
من اليوم تكوني مرتي و تاج راسي من اليوم راح تكوني شريكة حياتي و تكوني معايا فالحلو و المرة ... و حط عينيه في عينيها : موافقة
دارت براسها ايه و هي ضايعة خلاص و ماشي قادرة تحكي ... ناض و دار خارج و هي تعس عليها و تصلي على النبي (صلو عليه ... صلى الله عليه و سلم ) من وهرتو ... من طولو ... شامخ و عالي ... ناضت نحات الطالون و دخلت تجري لسالدوبان و هي مش فاهمة واش لي صرا من زوج دقايق ... كلش دخلها بعضها ... بوستو لي على خدودها تحس فيهم تكاوااا من السخانة .. و لا شفافو على رقبتها لي طيرولها طرف من عقلها و خلاوها دوخ تماما و تفقد الوعي ... بدا عقلها يروح لبعيد .. و تخمم فلي جاي ... و كي يزيدوا يتقربوا ... كي يحب يرجعها مرتو بالفم و الملا ... الفكرة برك خلات جسمها كامل يرعش ... و نفسها يزيد ... بصح الفرحة و النشوة لي حستها بين ايديها عالم آخر ... عالم كلو وردي و احلام حلوة خلااص ... (و انا بطبيعة الحال نبقى نشوف فالسما و نوحد في ربي على زهري الجميل جدا 😂😂😂 يجب ان اعبر 😂😂 هاني سكت😒😒) عدلت روحها و عاودت خرجت ... باش يبداو يستقبلو الجيران ... و يوجوا يفرحوا معاهم بصح القراب فالقراب برك
