حلقة 164
علي تبسملو و قرب باسلو راسو : تشرف يا عمي ... و دار داخل للدار و نوال سابقاتو ... بقات تدور حتى لقاتها و علي قعد فالصالون ... دخلت لبيتهم راحت للدريسينغ حلتها جبدت حوايج و واش يلزمها مع السورفاتمون كحلة و حطتهم في كابة صغيرة و زادت شوية روايح و كرام تاع الجسم و مشطة و بروسادون تاعها و خرجتت ..
لقاتو مرجع راسو للور و مغمض عينيه و يعبز عليهم .. تنهدت و تبسمت ... قربتلو و حطت يدهت على كتفو : عياان حبيبي
حل عينيه يغزرللها : بزااااف زوج شركات جاوني تقال
نوال هبطت على ركايبها و حطت يديها على ركايبو : معليش حبيبي اتحمل شوية حتى ترجع الامور لطبيعتها
حط يديه على يدها و زير عليهم و هو يتبسملها : نصبر كتر علجال خوياا و مدام نتي معاياا التعب كامل يروح و طبع بوسة على جبينها : نت****
نوال ضحكت : هههه. و انا نموت فيك
و ناضت رفدت الكابة و دارت سبقاتو حتى حست بيه كي عطاها ضربة لدريار تعها : اممم كبرت
نوال حاكمة داريارها و تقحرلو : احححح يعطيك ضربة واش هاد اليدين اححح شويتني الله يشويك
قربلها و عطاها ضربة وحدو خرى حتى عوڤت 😂😂😂 : تسكتي و لا نشويك على قاعدة و غمزها و سبقها يضحك عليهااا
مخليهاا تغلي و تسب فيه بالمقلوب على يديه الحارين 😂😂😂 (الله بارك سوفاج من الكبار حتى في اتعس المواقف 😂😂😂يعني بمعنى اخر انا لي سوفاجة 😂😂 شكرا شكرا هاني فهمت روحي و سكت 😒😒) ... طلعت للطونوبيل و غلقت الباب بكل مالها من قوة حتى سمعت صوتو : كسريه و نورييك
دارت قحرتلو : يعني نتا الغالط و تزييد تحاسبني
دار غزرلهااا و هو مطلع حاجبو : طوال لسانك
خرجتلو لسانها توريلو فيه : اييه موت طويل و كل يزيد
سكت للحظات و تبسم و دارلها : امالا كل مايطوال نطول يدي كتر و يرمي يدو يشحطها للفخد
نواال : اححححح حرااام عليييك علاش هكدا حمرتلي كامل لحمي
دار و طلعلها حواجبو. : انا نحبو حمرر و نتي واش فرااك
و نوال دارت تخزرلو بعدم فهم : كيفاااش واش قصدك ???
عض شفتو و غزرللها من الفوق للتحت و غمزها : كي تكبري تفهمي
و هي تم وين فهمت : اععععع خامج سوفاج
ضحك و قلع و هو يعيط : ههههه و نتي تموتييي فيه
تبسمت و حطت راسها على الكرسي ملوور بإستسلام ... لحقوا هبطوا الكابة و دخلووا للوبيتال .. عيط علي لآصف : الو وينكم راني عند الدخلة
آصف : اسناي عليا زوج دقايق اني جايكم
و دار لسبأ : سبأ نروح نجيب الحوايج و نرجع كاشما تسحقي عيطي
