حلقة118
تبسمت على هبالو و عينيه تهرب فيهم من صدرو العريان و العريض مع العضلات المفورمية (لازم الوصف 😂😂😂 موتوااا)
سكتت و دارت كي تفكرت جيان يماهاا ... قالت في قلبها خلي مور الماكلة و نقولو ... عاودت دارتلو و هي تخزرلو و مطلعة حواجبهاا و مربعة يديها من قعدتو لي قاعدها تاع التفنطيز ... شرلها براسو تاع غير الخير
قربتلو و مزال مربعة يديها : واس يحب ياكل راجلي العزيز
وقف و راح لجيهة الفريجيدار يجبد فالخضرة : واش،تقولي لوكان نعاونك اليوم
تبسمت على راجلهااا و قلبهاا الداخل باش يخرج من فرحتو ... دور الارض كامل و ماهيش باش تلقى واحد كيفووو ... قعدوا يطيبوا كيف كيف ... و هو كل دقيقة زوج يهبلل فيها ... هاو رشهاا هاوو جبدها من شعرهاا و هي تضحك و تحب ترجعهالو بصح متلحقلوش ( مشكلة القصرونات 😂😂😂 تحية كبيرة ليكم عسولاتي 😘😘 ) تدير شنوفى و هو يهبط لمستواهااا و يخليهاا ترجعهاا هات برك يشوف ضحكتهاا و يشوفهااا فرحانة
كملو طيبواا كيف كيف .. و وجدوا عيش (بركوكس ) محرحر على الكيف يشلهب بطلب من موسيو آصف ... و منهااا باش يبقى يملى عينو بيهاا كي تطيب و تبقى مركزة على الشعرة 😚😚 ... و اذا رمى يدو يا ويلوو
حطت الطابلة و وجدتهااا و آصف مريح فوق الكرسي و كل ما دور يخطف مغرفة ... فايقتلو و تضحك عليه ... تحسو وليدهاا كتر من راجلهااا ... يقتلهاا كي يبدى يدير هكداا .. بعدما تعمقت فيه و تقربتلو ... تاكدت من حاجة وحدة ... انو آصف ولد صغنون ناقص حنان ... و هادا لي يخليهااا تعطيلووو حنانتهاا و تفششوا و تعاملو على اساس وليدهااا ... دارت على غفلة مع حكم مغرفة و قربهاا للفمو ... المغرفة بقات معلقة فالهواا بين فمو لي محلول و عينيه لي يذبل فيهمم كي البييي 😭😭
ضحكت : ههههه كول و لا تموت بغصتك
ماصدق قاتلهالو و جبد الغراف و يالله (اجبد اعطيه يا مولاي 😂😂😂)
و هي بقات تضحك عليه ... قعدت قدامو و تكات يديها على حناكهاا و بقات تتفرج فيه ... و هو كي كمل سقاا شرلها على طبسيها هي دارت في بالها راح يغطس ... بصح لالا حتى في هادي ماينساهاش
سبأ : معليش كول نتا انا معينيش
قحرلها و ناض رفد الطبسي تاعها يسقي : زيدي عاوديهاا تشوفي حوايج مايعجبوكش خلاص خنست و سكتت ... حطلهاا الطبسي و جاب كرسيه و قعد قدامها و رفد مغرفتها و بدا ... مغرفة ليها و مغرفة حتى كمل زوج طباسة ... و سبأ تحمد في ربي على نعمة آصف الكياني😍😍
..........................................
