رحلقة 103
حس بيها بدات تتململ ... قرب للبونك يجري ... شدلها يدها و هو يمسلها فخدودها و قلبو يرعش معاها : سبأ فقتي يا روحي
بدات تحل في عينيها و هو خرج يخبر الممرضة باش تخبر الطبيبة ... جات الطبيبة و دخلت لقاتها فطنت و هي تشوف من حولها ماهيش فاهمة واش جابها هنا ... قابلها آصف و هو يشوفلها بحنية و خوف في عينيه باين ...
همست بصوت ضعيف : آصصف
جاها يجري و قعد قدامها و هو حاكملها يدها و يبوسلها فيها بحنانة : امم يا روحي هاني هنا
سبأ ماعرفت تحشم و لا تسقسي و لا تفرح ... فهمها و دار للطبيبة دارلها براسو نتي فهميها ...
قربتلها الطبيبة و هي تتبسم : حمد لله على سلامتك مدام
تبسمتلها سبأ : يسلمك دكتور بصح واش صرا ماني فاهمة شي
الطبيبة : مدام صرالك نزيف حاد خلاك تفقدي بزاف دم و تغيبي على الوعي و نظن كنتي راقدة على هادي ماحسيتي بحتى حاجة
سبأ تعقدوا حواجبها كتر و دارت تسقسي فيها : بصح دكتور النزيف الحاد من جرة واش مافهمتش
الطبيبة : نتيجة العلاقة الجنسية بينك و بين زوجك لاول مرة
سبأ وجها حماااار باش يطرطق بالسخانة و الحشمة ... بصح لي همها دوك انو تزيد تفهم اكتر لانو هادي حاجة تخصها هي و راجلها و لازمها تكون واعية بيها كل الوعي ... حمحمت و كملت تسال : بصح علاش يعني هادي حاجة عادية بين احمم و سكتت باسكو زادت حشمت كي سمعت ضحكة آصف : هههه صغرونتي طارتلها الحشمة
دارت خزرتلو و هي تقحر بعينيها لي يذبحو و صوتها الرقيق لي يهدد : آااصصف ببركاا
الطبيبة بدات تضحك و تبارك عليهم و تصلي على النبي في قلبها (صلوا عليه 😍😍صلى الله عليه و سلم ) خارجين بزااف حلوين مع بعضاهم و مايبانوش خلاص انو بيناتهم فارق عمر كبير ... و خاصة كي حكات مع آصف قبل تاكدت انو صح موش هامهم فارق ...
حمحمت الطبيبة و قطعتلهم خولتهم و هي تشرحلها : بون مدام نتي مزالك صغيرة و بنية جسمك اصغر من بنية جسم الموسيو الوغ اول احتكاك بينكم من الطبيعي يخلق نزيف و جسمك يضعف و على هادي لازم يتفادى الموسيو اي احتكاك بيناتكم على الاقل اسبوعين و موراها كلش ساهل
هبطت راسها موافقة على كلامها
و آصف دارلها يسقسي فيها : دكتور تقدر تخرج اليوم
الطبيبة : وي موسيو تقدر عادي بصح لازمها تبعد على القلق تماما و التوتر و لازمها عناية صحية و لا يزيد يتحل الجرح و نوليو في مشاكل صحية اكبر
آصف تبسملها : اوكي مرسي دكتور
الطبيبة : بلا مزية موسيو هادا واجبي
