حلقة 111
ناضت الصباح مرتاحة و قلبها ينقز من فرحتو بعد ليلة كاملة و هي نايضة ... ساهرة مع روح قلبها و راجلها ... مسكين راهو يتعب بززااف ... كلش على راسو ... يامت حكات معاه باش يرجعو لدار يماه ... والو ماحب يفسرلها ماحب يحكي ... بصح فهمت كلش من وجهو المقلوب ... و ماحبتش تتناقش معاه ..
فطنها من تخمامها صوت تيليفون آصف ... ناضت تجري رفداتو و فهمت بلي من الخدمة ... قربت ليه بلعقل و حطت يدها على شعرو تمسح عليه و تنوض،فيه غير بلعقل : آصف نوض آصف ... بصوت هامس ضعيف ... و هو تقولو ناض زاد كسل رجيلاتو و عجببو الحال : امممم راني نعسان ... و سبأ ضحكت عليه شغل بيبي صغرون باش ينوضوه يروح يقرا ... عاودت هبطت للمستوى ودنو و همست بصوت رهيف و كلو حب و حنين : حبيبي فيق ... مع كلمتها حل عينيه و دار يخزرلها و عينيه مذابالين و شعرو هابط على عينيه مشهد يقتل (تخيلو معايا برك 😍😍😍) و هي بقات تخزرلو و هي حاشمة ... عينيه زادو حشموهاا كتر ... تقعد ملييح و جبدها بلعقل من خصرها و هو يتنهد : يااا روح و قلب حبيبك انتي كون من الاول نوضتيني هكدااا ماشي خير
طلقت ضحكة من القلب : هههههه تعرف صلاحك اههه
و قرب باش يبوسها و حطتلو التيليفون في وجهو (باس التيليفون 😂😂😂😂 ذنوق شوية 😂😂😂حنا ياما سامينا الحيوط و عنقناهم و بسناهم 😂😂😂 هاني سكت 🤑😒😒) ... قحرلها و ناض تكسل و رفد عليهم ... بقات هي تعشق فيه و في تفاصيلو ... اههه منو ... و من داك الطول الشاهق .. الكتاف العراض و الواسعين ... عضلات مخدومين و مفورميين ... وقفة عارض ازياء و مغرور زادة على روحو ... كل مرة تبقى تلاحظ في تفاصيلو و تعشق فيهممم ... تلقى قلبها يدق بصفة غريبة (ههههههه كيفكم تماما 😂😂😂 ) ... كمل التيليفون و قفل و دار يغزرلها ... لقاها غايسة فيه و عينيها تتحرك على كامل جسمو ... فاقلها فاش تخمم ... ضرب ضحكة النص في فمو و مسح على شواربو بطرف صبعو (كيما يدير اسامة 😍😍 حب قلبي الاول 😍😍 و حب قلبكم علابالي هاني سكت 😒😒) ... يقدم غير بلعقل و متقصد يخشن فالمشية تاعو ... زادتو طغيان على طغيان و غرور على غرور ... قعد قدامها و تكسل على ظهرو و حط رجل على رجل و دار غمزها : هادا كامل الزين تاعي واش دارلك ( انا نقولك ارواح تشوف بنات قروبي الطايح كتر مم النايض 😂😂😂)
سبأ ضحكت على طول صوتها ... خلاص اعتادت عليه و على طباعو ...مغرور للابد
