122
اليوم هو اليوم لي سناوه ... لي ليهم شحال و هومااا يحضرولو ... اليوم تتسمى على اسمو ... اليوم تتكتب على اسمو ... اليوم ترجع بالفم و الملا مدام نوال علي **** ... ناضت الصباح على صوت الهراج فالدار ... عاودت غطست فالفراش و رقدت ... لوكان ماشي الهدة لي هدتهاا سبأ و هي تعيط : اععععع يا الكلبةة نوضييي اليوممم عرسسسك
نوال طيشت الفراش و ناضت تعيط و هي تعنق فيهاا : اعععع جيتييي و الله راكي هناااا كلبة توحشتكك و دمعوا عينيهااا
و سبأ عنقتهاا و بدات تبكي زادة متوحشة صحبتها و رفيقة دربهااا ... مسحتلها على شعرهااا و هي شادتلهاا وجها بين يديها : امسحي دموعك اليوم فرحك اليوم تزهاي اليوم تبداي حياة جديدة مع علوشي
قحرتلها نوال على آخر كلمة : ايييه علوشي انا هاداااك
سبأ طلقت ضحكة من قلبهااا : ههههههه عشت و شفت نوال الفنطازية غايرة و زغرتت
و نوال تشدلها في فمها و لا حبت تحبس و لا تحشم ... مالقات غير تجبدهاا من الشعررر حتى سبأ عيطت و سكتت على الاخر و هي شادة شعرها من الوجعة ...و نوال تغزلل فيهااا و طلع فحواجبهااا و هي تضحك 😂😂😂
و هوماا يتغازلو دخلت عليييهم يمات نوال و هي تضحك على هبالهم : مايهديكمش ربي و تعقالو و نتي اهه سبأ زعما قلتي هي لي تخلي نوال تعقال
و سبأ راحت ليها تضحك : ههههه لالا يا يمااا انا مانعقلش و بالذات مع هاد المكلوبة
و نورية ضحكت عليهاا : ههههه ربييي يفرحكم و يجعلكم ماتشوفو الحزن حياتكم و دمعت عينيها لفراق بنتها مرة تانية
و نوال جات تجري و تخبات في حضنها ... و نورية عنقتهم للزوج تحت جناحهاا و باستلهم راسهمم ... للزوج بناتها و لا فرق بيناتهم ...
مسحت دموعهااا و ضربتهم للراس للزوج : اياااا درك ازربواا وجدواا روحكم و نتي اههه نوال ماتباتيش فالدووش و خلي سبأ تعاونك و خرجت
و سبأ دارت للنوال و دخلتهاا للدوش ... حكتلهاا لحمهااا حتى رجع حمر ... غسلتلها شعرهاا كي البيبي و هاديك نوال مستحلية ... و سبأ متعمدة تعاونها في اقل تفصيل لانو ماحضرتش لاي من المراسم ... خرجواا من الدوش و نوال لبست تمتم ... و لبسوا عباية و راحواا للحفافة مع نورية و خدوج لي ماحبت تسيب لاسبأ و لا نوال ...
خيرت مكياج Doux مع شفايف بحمر فاقع ... و مشطة مرفودة للفوق و مخدومة بطريقة حلوة و بسيطة تاخذ العقل ... و لبستلهم ملحفة شاوية عاطية على الخضر تاخد العقل ... مع اكسيسواراتها
