حلقة 48
بلونوي منقط يهبل مع ساعة شيك و شعرو مشطو على جنب (كحلو على التصويرة😂😂😂)
و برفن و خرج ....
خرجوا يتمشاو هو و عليلو و البدو كامل يكحلو و عليلو شايخ و يغمز (لي يعمزلها دوخ 😂😂 بالاكو تكملو دوخولي نتوما زادة)
وصلو للباب و آصف جبد نفس و راح يصوني و عليلو نقزو : اسمع واش راح تقولهم لمرة لي فاتت انا و هاد المرة نتا لي جاي تخطب 😂😂😂
آصف بقى يخزرلو تاع 😒😒 : دوك باش تفكرت جدهاا ديجا نورمالل نقولو غلطنا باش نخطب لروحي خطبتلك و تهدر ن***
عليلو :😂😂😂 عشت و شفت آصف خايف و Stressè
و آصف مقيموش اصلا صونا و يسنى فيهم يحلو ... حتى حلت خدوج و كي شافتهم استغربت : مرحبا ولادي ياك غير الخير
تبسملها عليلو : غير الخير يا خدوج و لا باش تحاوزينا و بدا يضحك
خدوج ضحكت معاه و ضرباتو على راسو : ههههه اخااه هذاك ماخص ادخلو تفضلو
دخلو للصالون كي العادة
لقاو باباها يصلي ..... قعدوا و خدوج راحت جيبلهم الضيافة.... و هوما للزوج يحوسوا بعينيهم على سبأ.... للزوج كابين يطمنو عليها... حابين يعرفوا ردة فعلها .... باش تقبل و لا باش ترفض .... كمل سلم باباها و رفد الزربية و قعد مقابلهم : خير ماجابكم!؟؟
عدلو قعدتهم .... و نطق عليلو : بون عمي آخر خطرة جيناكم على حاجة و الله غالب كلش دخل بعضاه مقدرنااش نكملو
حامد عدل قعدتو و بقى يخزرلهم : ايه يا ولادي حتى مافهمتش آخر خاطرة واش كان صاري
عليلو حمحم : احم لون عمي حنا جيت نخطب لخويا و عشير عمري (يحكي و يحاول يخبي وجيعتو😢😢) بنتكم سبأ
و مع آخر كلمة دخلت خدوج و هي مستغربة من كلامهم : كيفاش هاذي وليدي ماهي مخطوبة
آصف دارلو بيدو باش يسكت و يخليه هو يكمل عليه : يما حنا الله بارك عندنا الخير و النفوذ .... حبينا نفرحوكم و نفرحوها زادة .... انا نقدر نفريها مع الكلب لوخر حشاكم... و منها نتوما مهنيين على سبأ و انا مانيش باش نحرمها من قرايتها بالعكس تماما و كلنا نخرجو رابحين ... واش قلتو يا عمي !؟؟
بقاو كامل ساكتين يتغازرو حتى عليلو بقى يغزرلو ... قربلو لودنو يحكي بالهمس : بصح علاش ماحكيتش بلي عاجباتك و علاش ماذكرتش هاد الجزء
آصف غمزو باش يسكت و منبعد يفهموا كلش .... و مع جا باباها يهدر سمعوا صوت مبحوح مت آخر الصالون : موافقة
ان العشق اعظم شعور يتحكم بنا دون قيود و يجلعنا نخضع دون حدود و يجبرنا على قبول دون رجوع فرحمةً بنا يا ايتها القلوب
❤❤❤❤❤❤❤❤❤
