حلقة 181
بقات نهار كامل مع الحقن و السبور و هاد المرة جاتها صعيبة بحكم انو مكاش آصف ..و بالها مشغول حاجة ماقدرت ديرها كي الناس .. كل ما يجوا يديرولها شكة تبدا تعيط و تخبش فييهم .. حتى اضطروا يشددوها كامل .. باش قدروا يخدموا و يديرولها الحقن .. و هي تزعبط و قلبها واجعها على راجلها لي مكاشو .. و خدوج لي مقدرتش تتحمل منظر بنتنا و صغرونتها تتعذب ...
......................................................................................
لحقوااا و هو هبط اول واحد محروق باش يشوف صغرونتو و يحضنها و يشم ريحتهااا .. عارفهااا تعدبت بلا بييه .. دخل قابلاتو راقدة و خدوج قدامها دموعها على خدهااا و نوالل زادة تبكي .. قلبو حسو حبس .. قرب من خدوج و قلبو حاسو باش يخرج : يمااا وشبيهاا علاش تبكواا
طلعت راسها خدوج ماحستش بيه كي دخل .. مسحت دموعها و تبسمتلو .. شرتلو باش يطبس طبس عندها .. حطت يديها على شعرو : متخافيش يا كبدي مابيهاا شي بصح اليوم بلا بيك تعدبت حتى صياحها تسمع في كامل السبيطار غاضتني فلذاي يا وليدي على هادي نبكي
مع كل كلمة قلبو يتزير علييه كترر .. خدووج شرت لنوال باش تنوض .. ناضواا باش يعرفوا لي صراا و يخلوهم على راحتهم ..
قربلها بلعقل .. طبس على ركايبو يشوف في وجها .. دموعها مزال فوق وجها .. شفارها مشمخين .. خدودها حمرر .. شعرهاا داخل بعضااه .. هبطت عينيه ليديها .. لي كانوا متقبيين بكلهم يبدو انو ملقاوش العروق و مع تحريكاتها بزاااف هاديك هي .. متقبيين و حمورااا بكلهمم .. حس قلبو عصر عليه على صغرونتو .. هادا بعد نهار واش صرا فييهاا .. دمعتو تحصرت على حافة عينو .. قرب حط شفافو فوق جبينهااا و بقى حاطهم هكدااك يحااول يطلب السمااح على لي تمر فيه بسبتو .. حسهاا بدات تتململ بعد شفافو .. حليت عينيها الخصورااا و الحمورية من كثرة البكاا طاغية علييهم .. شقولو قلبو على 1000 قطعة .. استوعبت انو هادا راجلهاا تنفضتتت قعدتتت و ترمااات عنقاتو حتى خلاتو يفقد توازنو و و يتقعد على الارض .. حوطت رجليهاا على خصروو و اكلقت العنان لدموعها تبكييي بشهقة كبييرة و صدرها يطلع و يهبط يخبط في صدرو .. زير عليييها عندو و غرس يدوو في شعرهااا .. حسهااا خايفة علي بعدو .. حط شفافو على رقبتها باسهاا و بقى يهمس يهدن فيها : اشش اشش قصرونتي اششش بدويتي هانيي رجعت هاني هناا
زيرت علييه كتر و غرست ظفارهاا على رقبتو.و زادت قوات البكية : مهاااه مهاااه مكنتش وجعونييي بزاااف وجعوني بزاااف ماعندهمش رحمة و نتااا كنتتت وحدكك تاانيي خلييتكك وحدك ااناا
يسمع فيها و قلبو كل مالو يتمعس و يتزير على صغرونتو معناها حتى في اسوء حالاتها تخمم فيه مكفاش العذاب لي تعذباتو .. خلاهاا تبكيي و تفرغغ قلبهااا حتى حسهاا هداات و انفاسهااا ترتبت .. طل علييها لقاها غفاات .. تعبااانة و جهدهاا مغلوب .. رفد روحو بلعقل و هي في حضنو .. قربهاا للفراش باش يحطهاا ..ماحبتش تهبط .. لقاهاا مزال مكبشة و تهمس : مااتخلينيش وحديي .. باسلهاا شعرهاا و هو يمسح على ظهرها : هاني قصرونتي هاني .. قعد على السرير و خلاها في حضنو و غطاهاا مخليهاا راقدة براحتهاا
