حلقة 37
معنقاتو و تبكي بطول صوتها ... حاس قلبها باش يخرج من بلاصتو ... ماهتمت لشكون تعنق و لا حبت تعرف شكونو ... الحاجة الوحيدة لي عارفتها انو صدرو دافي حنين و يديه محاوطينها بطريقة زادت من رعشتها اكثر .... و هو مش اقل منها ... جسمها صغير و طري داخل بين ضلوعو .... و محتويها و مغرقها فيه .... حاسها صغرونة تحب على باباها 😭😭 (جيبولي واحد حرام عليكم 😰😰) ..... بقى يمسح على ظهرها ... كانو يشجع فيها باش تفرغ قلبها ....
بدا ينقص صوت بكاها تدريجيا ..... و انقطع حسها فجاة و جبدت روحها منو و وجهها منعدم من اي احساس .... كانو فطنت بالشي لي عملاتو ....
و هو بقى كيما خلاتو .... ماعرفش كيفاش يتعامل بقى ساكت .... الصمت كان سيد الموقف ....
غزرتلو بعينين مدمعين يقتلو نظرتها حادة : علاش مسيتني !؟
بقى يشوف فيها ... قرب ليها كتر : علاش !! هههه .... درت فيك مزية ... حالتك صعيبة و كنتي قادرة تدخلي ديبريسيون (صفقولو طبيب نفساني من الدرجة الاولى 😂😂😂يشبهلي) قلب عليها الجرة و عكس السؤال و عينيه مركزين معاها و مع ردة فعلها: و نتي علاش مامنعتينيش ؟؟؟
بقات تغزرلو تحلل في كلامو : باش ماندخلش في ديبريسيون على ماقولتك يا كاصف ..... (بوووومم قصفتلو جد باباه الحلوف 😂😂)
عينيه شعلو من كلامها : لسانك العادم هادا ماكيش باش تنقصي منو
طبست تهز فالسكاكن و تحكي : كي تحبس نتا من اسئلتك لي بلا حتى معنى
و ماتحس غير السكاكن طارو و هو شادلهاا يدها مزير عليها باش يكسرها .... يحكي و يزير و عروق راسو قريب يطرشقو : شوفي ياا بدوية شفتيني ساكتلك مايعنيش اني مانقدرش نغفصك في بلاصتك و حد مايسمع بيك (للاسف كل مرة تخلاص Mal 😂😂😂مانرتاحش لوكان مانوضش الحرب 😂😒)
حبت تحرر روحها و تهرب منو ... حالتها نفسية متسمحلهاش باش تتناقش معاه ....
خزرتلو بتحدي مع انو في داخليا خايفة منو .... التقلبات المفاجئة ماتتوقعيهاش خلاص : اطلقني ماعندكش الحق تمسني
طلقها و دار و شواطنو دايرين بيه ..... رفد روحو و نحا حوايجو و بقا بالسروال و لا هتم بيها و لا دارلها اعتبار و غطس فالبركة و يعوم و يضرب برجليه و بتنفس بجهد ....
و هي بقات حالة فمها فيه .... لا من جيهة عدم تقديرها و لا عامللها حساب .... و لا من جيهة جسمو المتكامل ... كتاف عراض ... بطن مخدوم ... عضلات منحونة .... مع شعر حرير هابط على عينيه .... بقات مركزة معاه بلاوعي
