حلقة 99
سبأ نطقت بصوت رهيف و ضعيف : صباح الخير نشالله صبحتوا لاباس
عابد رد عادي : صباح النور (مايحبش يدخل سوڨ النسا )
و آسيا عوجت فمها و ردت : صباح الخير كنا لاباس حتى طاحت علينا المزيرية على الصباح
سبأ تبسمت و عادي محبتش تبين ... و آصف راهو ساكت موش حاب من اول نهار مدابزات و مهاوشات
دار يحكي مع عايد و يوجهلو فالكلام : علابالك بلي خادي كونجي سمانة و هو يشرب فالقهوة و حاط رجل على رجل
عابد نحى الجورنان من وجهو خدا رشفة قهوة و جاوبو : امم عارف و نظن مخلي ناس ثيقة فالشركة
غمزو و هو يتبسم تبسيمة النص : مش حتى تقول
و سبأ ساكتة حتى باش تشرب قهوة حشمت و آصف خزرلها و تبسم عرفها متوترة و ملبكة ... جبد كاس و فرغلها حليب يعرفها ماتحملش القهوة ... حطو قدامها و زاد عمرلها الصحن لوخر بالمواكل من كل نوع و طبعهملها و همسلها في ودنها : نسحق الطبسي ملحوس
و سبأ وين تلقاها حمارت خضارت صفارت بكلها ... خاصة انو يهمسلها هكدا قدام والديه ... كوفت روحها تبسمتلو بحشمة و رفدت الكاس تشرب اول رشفة ... و يماها لوكان صابت يخرج اللايز من عينيها و تصوبهم نايحتها باش تقتلها عادي ديرها و ضميرعا مرتاح على الاخر بدا مخها مخها يخدم و هي تخطط و تفكر كيفاش باش تطلقها من وليدها (في احلامك الوردية و منخليكش ديريها يا الحية الكحلة 😂😂😂 حابة نبرد قلبي فيها هاد المرخس تاع يماه 😂😂 حاشمة برك زعمة 😂😂 هاني سكت 😒😒) ... كملو شربوا قهوتهم و ناضت سبأ على نياتها ترفد و تخدم مع الخدامات و آصف يتبسملها و مخليها على راحتها ... و يماه لقاتها فرصة باش تشكها : اممم هادي موش خدمة كنة الكياني و لا نتي خدامة ديار و عمرك شفتي الرفاهية القصور هاديك حاجة وحداخرى
جا راح يهدر آصف دارتلو بيدها اسكت و كملت تخدم عادي و هي تتبسم في وجها ... و آسيا قريب تقتلها هاا بصح معليش ... اليوم النهار الاول ... و اليامات مزال طوال ...
كملت عاونتهم بصح حست بفشلة اكتر حتى قريب داخت لوكان ماشي وحدة من الخدامات عاونتها ... قعدوها على الكرسي و وحدة منهم راحت عيطت لآصف لي جا يجري و وجهو مخطوف ... قعد على ركايبو و هو يمسحلها على خدودها و لا عاطي اهمية لحد و لا لبرستيجو قدام الخدم ...
قالهم يجيبولها كاس جو جابوه يجروا و هو يفطن فيها و يضرب فيها في سقالي خفاف ... حتى بدات تفطن و تحل في عينيها غير بالشوية و هي تستوعب فلي صاري هنا
