حلقة 127
مكسل و مغطسها في حضنو الواسع ... مستحلي ريحة شعرها في نيفو ... و جسمها الصغرون بين يديه الخشان ... قرب بلعقل من رقبتها و طبع بوسة طويلة مع تنهيييدة اطولل ... متوحشهاا موت ... مسهاا خطرة وحدة ... و بعدهاا تحرم و حرمها على روحو ... واش قتلاتو ديك الصورة لي ناض علاها و لقاها غاطسة و تعوم في دمها ... قلبو وجعو بمجرد تفكر ديك الحادثة ... صغرونتو شغل بيبي ... حساسة و جسمها رهيف ... و هو بجهدو و قوتو ماحسش ... اتنفس بجهد ... و زاد تفكر منعان حملهاا ... و لوكان تحمل ... و لوكان ترفد من اول خطرة ... ماهوش باش يقدر يقلهاا تسقط وليدها و فلذة كبدهاا ... حتى هو ماهوش قادر يستوعي انو يقتل قطعة منو و منها ... ثمرة حبهم ... و تتويج لعشقهم ... كل لي متمنيه انو ماتحملش و خلاص ... قطع تفكيرو بوسة حنينة في صدرو و نفس هادي و سخون في رقبتو ... خلى قلبو و بدنو يشعلو مرة وحدة ... هبط عينيه يخزرلها ... حالة عينيها و تغزرلو كي البنوتة الصغرونة ... قرب و باسهااا بوسةةة طويييلة تهدي شوية من لي شعلاتو : صباااح الخييير يا روحي
و سبأ تبسمتلو بخدود حمورااا بالحشمة : صباااح النور صبحتي لاباس
آصف بضحكة زايفة: لاباس يا روحي لاباس
بصح سبأ حستو موش قد قد ... ناضت تعدلت و حطت يديها على صدرو و وجها مقابل وجهو : لالا بيك شي حفظتك و عارفاتك بيك حاجة خبرني ياك انا مرتك و بير اسرارك
تبسملهاا آصف بعشق و عينيه دبالو من كلامهاا ... حط شفافو على جبينهاا و باسهااا بوسة طويلة يعبر فيهاا على امتنانو : والوو يا روحيي تعب الشغل برك
سبأ و هي شادتلو وجهو و تمسح عليه: لالا آصف بيك حاجة من نهارة لي انا خرجت من لوبيتال و انت هكدا
آصف تنهد و رفد روحو من الفراش : ماتلحيش يا سبأ مابيا شي قتلك
ناضت من الفراش و عاودت قربتلو و دوراتو ليهاا : ياااا آصف علاش تعمليي هكدااا احكيلي فرغ قلبك و قربتلو اكتر و عنقاتو : انااا مانيش طلقاتك حتى تحكيلي لي بييك
ماحست غييير بيدو لي طبعتهااا و بدااا يعييط : دووك ماتفهميشش و لا وااش قلتتتتت لربككك مابياا شيي و نتي كبشتيي ماحبيتي تطلقي
سبأ عينيهاا دمعواا و بعدت عليه ... هي حبت تواسيه و هو عيط عليهاا ... جات دور و تهرب حستتت يديه لجبدوهااا و غرسلها راسهاا في حضنو: اششش سامحيني يا روحي و الله مضغوط
و سبأ كبشت فيه تبكيي و مزيرة عليه : حاسة بيييك و مانيش لايمتك نتا راجلي و نصي التاني 😭😭
.........................................فوت على كل حلقة 😘😘
