حلقة 149
رفد يديه يصفقلها و خو يستهزأ بيها : كملتي لعرض تاعك هاد زوج كلمات ماهمش باش يدولي مرتي و رجع يبكي و حط راسو بين يديه يبكي بالقاوي : مرتي و وليدي يا ربي واش عملت انا مستحيل تكون ماتت و ناض باش يروح حكماتو دوخة راحتلو آسيا تجري و تكاتو عليه و هو يبعد فيها و هي مزيرة عليه و باقية معنقاتو حتى حست بيديه تلفوا عليها و حشى راسو في تجويف عنقها يبكي و مزير عليها ... و هي تمسحلو على راسو و ظهرو و دموعها يقطروا ... واش ندمت على السنين لي ضاعت .. واش ندمت على وليدها لي خلاتو بعيد عليها ... واش ندمت اليامات و طفولتو لي راحتلها ... واش ندمت. و الندامة واعرة و تجي فالاخير و الاهم ماتنفعك في شي ... حست بيه هدى و بدا يتقال عليها عيطت لعابد يجي يعاونها ... لي كانت حالتو موش اقل منها ... عينيه مغرغرين و دموعو قريب طيح ... قهرتو حالة وليدو ... قهرتو حتى قلبو وجعو ... تكاوه فالفوتاي و آسيا راحت تجري جابت الداو عالجتلو يدو لفتهملو ... نحاتلو صباطو و غطاتو و هي باقية تمسحلو على راسو و تبكي ... دارت تغزرلو لعابد : شفت واش عملنا شفت كيفاش ولدنا مايطيقناش ... بصح نستهلو عمرنا حسسناه بحاجة ... عمرنا حنينا عليه عمرنا كنا والدين ... طول حياتنا نجروا على الدراهم و كيفاش نربحوهم ... ربحنا الدراهم و خسرنا وليدنا ...
عابد يسمعلها و ساكت يخمم : دوك موش وقت الندامة لازمنا نفهموا حكاية وليدنا ... فيها إن مستحيل يقتل لي يحبها و حاربنا علجالها .. وليدي باش يضيع مني ... ناض نفض حوايجو و قالها ايا نوضي خليه يرتاح ماهوش باش ينوض ... دارتلو براسها لالا : باش نقعد مع وليدي
تبسملها و طلع لبيتو يخمم كيفاش يحل المشكلة تاع وليدو
بقات قاعدة و راسو في حجرها ... راقد و دموعو مزال على حافة ععينيه و شفارو ... تنهدت من عروش قلبها على لي عملاتو في صغرها ... كان يحب يجي يعنقها تبعدو خايفة على برستيجها .. يحب يرقد عندها تقولو لالا عاملة ماسكات و غدوة لازمني نوض الصباح ... بدات تبكي بحرقة ... واش عملت يا ربي واش عملت يا ربي اسمحلي ...( ياجدكم حكمتني البكية 😢😢غاضني) قطع حبل افكارها صوت تيليفونو رفداتو و ردت قبل ماينوض : آلو .. اهه هادا نتا علي .. لالا راهو عندي ... و الله يا وليدي ماني فاهمة .. صحا كي تلحق طمني ... اممم راهو راقد .. صحا تصبح بخير ... و كوبات و تكات راسها للور تبكي و تخمم كيفاش باش ترجع وليدها 😢😢
........................................
Vote
