Daemon's Academy ⅠⅠ. (Trapped In Hell)

Chapter 49

Katana

~~~🌸~~~

Cassiopeia's Point of View

"Sandali, Cass, asan si Rhyzen? Bakit hindi mo kasama?" Si Ylyanna ang unang sumalubong sa akin.

Pagkapasok ko pa lang ng pinto bumungad na sa akin ang halos nasa mahigit dalawampung mga nakaitim sa nakapalibot sa buong sala. Tahimik at nakatayo sa bawat sulok na tila ba mga estatwa.

Nakita ko rin na kumpleto sila. Mula kina Ylyanna at Ysabelle na parehong naka-uniporme pa ng kulay itim. Kasama din nila sina Teijie at Makkie na tahimik na nakaupo sa malambot at kulay puting sofa na mukhang naghihintay rin sa pagdating ko.

"We miss Rhyzen. Bakit hindi mo siya sinama?"

"He's with Lance." Seryoso kong sagot.

Pero hindi paman lang ako nakakaupo, nakarinig na ako kaagad ng ingay mula sa isang pinto malapit sa pwesto namin. Ito ang isa pang kwarto katabi nang tinutuluyan namin ni Rhyzen.

Kinakatok ito at hinahampas mula sa kabilang bahagi. Kasama ng mga pagkalampag na iyon ay ang mga sigaw ng isang babae mula sa loob.

"Ilabas niyo ako rito! Buksan nyo 'to! Ilabas nyo ako!" Sigaw ng isang babae, at ang boses na 'yon.

Kahit limang taon man ang nakalipas kahit kailan hindi ko ito makakalimutan. Ang talas at tigas mula sa buo nyang boses. At kahit hindi man nila sabihin o kahit hindi ko man makita, alam kong si Alia ang nasa likod ng maingay na pinto. Sumisigaw at halos sirain ang pinto na gawa sa matibay na kahoy.

"ILABAS NIYO AKO RITO! BAKIT NIYO AKO DINALA RITO? BUKSAN NYO 'TO! ILABAS NYO AKO!"

Isinantabi ko muna ang mga sigaw na iyon at saka ko sila hinarap isa-isa bago tumigil ang mga mata ko sa pwesto ni Makkie. Tahimik sIyang nakaupo habang nakapatong ang mga siko sa hita. Nakita ko itong sumulyap kay Ysabelle ng ilang sandali pagkatapos ay nilingon ang maingay na pinto.

His hair was a bit messy.  Naiwan siya rito sa resort kasama ni Teijie para pamunuan ang ilang mga Underground Reapers na nagsilbing bantay namin ni Rhyzen pero sa itsura nya ngayon parang siya ang napagod at nahirapan nang dalhin dito si Alia kahit na sina Ylyanna at Ysabelle ang may gawa non.

"Is she okay?" Tanong ko kay Makkie.